Matye 11:18 - Labib An Kreol Seselwa

¹⁸ Annefe, Zan in vini; i pa ti ni manze, ni bwar. Me zot dir: I posede par en demon!

Matye 11:18 ပူးပေါင်းရင်းမြစ်များ

2 Rwa 9:11

Kan Zehou ti sorti pour al kot bann zofisye son met, zot ti demann li, “Eski tou keksoz i byen? Akoz sa zonm fou ti vin kot ou?” I ti dir zot, “Zot konn byen sa zonm e son fason koze.”

Zeremi 15:17

Mon pa'n frekant dimoun ki pas zot letan anmize e fer lafet. Akoz mon ti anba ou lotorite, mon pa'n mel mwan avek zot e mon ti'n ranpli avek lakoler kont lepep.

Zeremi 29:26

SENYER in nonm ou pret dan plas Yoyada, pour ou an sarz tanp SENYER. I ou devwar alor, pour veye ki okenn fou ki pretann i en profet, i ganny atase ek en lasenn e en kolye feray otour son likou.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Matye 10:25

En disip i devre kontant pour vin parey son met, e en serviter parey son bourzwa. Si zot in apel Belzebil, sa enn ki sef lafanmir, a pli fort rezon, lezot manm son fanmir ava ganny ensilte.

Matye 11:17

Nou ti zwe lanmizik pour zot, me zot pa ti danse! Nou ti sant kantik dey, me zot pa ti plere!

Matye 3:4

Lenz Zan ti fer avek pwal samo e otour son leren i ti met en sang an kwir. I ti manz sotrel ek dimyel sovaz.

Matye 9:34

Me bann Farizyen ti dir, “Se sef bann demon ki donn li pouvwar pour sas sa bann lespri.”

Mark 3:22

Bann profeser Lalwa ki ti'n desann, sorti Zerizalenm ti dir, “I posede par Belzebil e se par sef demon ki i sas bann demon.”

Levanzil dapre Lik 1:15

I pou vin enportan devan Senyer. I pa pou bwar ni diven, ni okenn labwason fermante, e i pou ranpli avek Lespri Sen, deza avan son nesans.

Levanzil dapre Zan 10:20

Bokou ti dir: I ganny posede par en demon, i fou. Akoz zot ekout li?

Levanzil dapre Zan 7:20

Lafoul ti reponn li, “Ou annan en demon dan ou. Lekel ki pe esey touy ou?”

Levanzil dapre Zan 8:48

Bann Zwif ti reponn Zezi, “Pa nou annan rezon dir ki ou en Samariten, e ki ou posede par en demon?”

Levanzil dapre Zan 8:52

Alor bann Zwif ti dir li, “Aprezan, nou asire ki ou posede par en demon. Abrahanm in mor, bann profet in mor, e ou, ou dir: Sa enn ki obei mon parol pa pou zanmen mor.

Akt de Zapot 26:24

Pol ti pe prezant son defans dan en tel fason ki Festis ti Kriye, “Pol, ou fou! Ou gran konnesans i rann ou fou!”

1 Korentyen 9:27

Mon tret mon lekor severman, e mon gard li anba en kontrol strik, pour ki apre ki mon'n pres avek lezot, mwan menm mon pa ganny diskalifye.