Matye 10:41 - Labib An Kreol Seselwa

⁴¹ Sa enn ki resevwar en profet Bondye, akoz i en profet, i pou resevwar rekonpans en profet. Sa enn ki resevwar en dimoun ki zis, akoz i en zis, i pou resevwar rekonpans en zis.

Matye 10:41 ပူးပေါင်းရင်းမြစ်များ

Zenez 20:7

Aprezan, rann sa zonm son fanm, akoz i en profet. I ava priy pour ou e ou ava viv. Me si ou pa fer sa, ou pou mor, ou, avek tou ou fanmir.”

Ezai 3:10

Dir sa ki inosan koman i ere, akoz i pou rekolte fri son travay.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 25:44

Alor zot pou reponn li: Senyer! Kan eski nou ti war ou lafen oubyen swaf, en etranze oubyen touni, malad oubyen dan prizon, e ki nou pa ti pran swen avek ou?

Matye 25:45

Lerwa pou reponn zot: Mon dir zot, sa i laverite: Sak fwa ki zot ti refize ed enn sa bann pli pti parmi mon bann frer, se mwan ki zot ti refize.

Matye 6:1

Fer atansyon ou akonpli ou bann devwar relizye an piblik, zis pour fer ou ganny remarke. Sankwa, ou Papa ki dan lesyel pa pou rekonpans ou.

Matye 6:18

Pa les dimoun remarke ki ou pe zennen. Zis ou Papa ki la dan sekre ki konnen. Ou Papa ki war tou sa ki ou fer an sekre, ava rekonpans ou.

Matye 6:4

Ou bon aksyon i devre reste sekre. Ou Papa ki war ou aksyon dan sekre, ava rekonpans ou.

Matye 6:6

Me ou, kan ou priye, antre dan ou lasanm, ferm laport e priy ou Papa ki la dan sa landrwa sekre. Ou Papa ki war dan ou profon sekre, ava rekonpans ou.

Matye 7:8

Annefe, sa enn ki demande, i resevwar. Sa enn ki rode, i trouve. Laport i ouver pour sa enn ki frape.

Akt de Zapot 16:15

Lidi avek tou son fanmir, ti ganny batize. Apre, i ti envit nou kot li, “Si zot estimen ki mon vreman krwar dan Senyer, vin reste kot mwan.” I ti fors nou aksepte son lenvitasyon.

Romen 16:23

Gayis ki'n resevwar mwan se li, e kot Legliz i rasanble, i osi fer zot salanm. Erast, trezorye lavil, ek nou frer Kartis i fer zot salanm.

1 Korentyen 9:17

Si mon ti'n swazir pour fer li par mon prop volonte, mon ti devre annan en saler. Me akoz mon'n ganny oblize fer li, mon ranpli senpleman sa tas ki mon'n ganny konfye.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

2 Zan 1:8

Alor, fer byen atansyon ki zot pa perdi bann fri zot travay, me ki zot resevwar en rekonpans konplet.