Matye 1:12 - Labib An Kreol Seselwa

¹² Apre ki pep Izraelit ti'n ganny deporte Babilonn, Yekonya ti fer Sealtiel; Sealtiel ti papa Zorobabel;

Matye 1:12 ပူးပေါင်းရင်းမြစ်များ

2 Rwa 24:14

I ti deport tou bann zabitan Zerizalenm, tou bann elit ek tou bann vayan gerye. An tou 10,000 egzile, san kont tou bann artizan ek bann ki fer serir; ti reste zis bann pli pov dan pei.

2 Rwa 25:27

Dan trannsetyenm lannen legzil Yoyakin, lerwa Zida, dan douzyenm mwan, e vennsetyenm zour, Evil-Merodak, lerwa Babilonn, dan premye lannen ki i ti vin lerwa, ti grasye Yoyakin, lerwa Zida e i ti fer li sorti dan prizon.

1 Kronik 3:17

Bann garson prizonnyen Yekonya: Sealtiel son garson,

Esdras 3:2

Zozye, garson Yosadak, ansanm avek son bann konfrer pret ek Zorobabel, garson Sealtiel avek tou son bann fanmir ti konmans rekonstri lotel Bondye Izrael pour zot ofer sakrifis konplet dapre Lalwa Moiz, serviter Bondye.

Esdras 5:2

Alor, Zorobabel, garson Sealtiel ek Zozye, garson Yosadak, ti konmans rekonstri tanp Bondye dan Zerizalenm. Bann profet Bondye ti la avek zot, pour ed zot.

Nehemi 12:1

La bann pret ek bann levit ki ti retourn avek Zorobabel, garson Sealtiel, e avek Zozye: Seraya, Zeremi, Esdras,

Zeremi 22:24

La sa ki ou ava dir lerwa Yoyiakim, garson lerwa Yoyiakim, lerwa Zida: Osi vre ki mwan SENYER, mon vivan, mon deklare: Si ou ti sa bag ki lo mon lanmen drwat, mon ti pou tir li.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 22:30

La sa ki SENYER i deklare: Anrezistre sa zonm konmsi i napa zanfan. Son lavi in rate. Okenn son desandan pa pou renny lo Zida koman sikseser David.

Zeremi 27:20

Annefe, kan i ti anmenn Yoyakin, garson Yoyakim, lerwa Zida, avek bann sef dan Zida e dan Zerizalenm, Naboukodonozor, lerwa Babilonn pa ti pran tousala depi Zerizalenm pour anmenn Babilonn.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:12

Alor Zorobabel, garson Sealtiel, ek Gran-Pret Zozye, garson Yosadak, ansanm avek leres pep ki'n retournen sorti legzil, ti obei sa ki SENYER zot Bondye ti demann zot fer, par lentermedyer profet Agze. Lepep ti annan en gran respe pour SENYER.

Agze 1:14

Alor, SENYER ti fortifye lespri Zorobabel, gouverner provens Zida, garson Sealtiel e avek lespri Zozye, garson Gran-Pret Yosadak, ansanm avek leres lepep. Zot ti vin travay pour rekonstri tanp zot Bondye, SENYER liniver.

Agze 2:2

Koz avek Zorobabel garson Sealtiel, gouverner rezyon Zida, avek Gran-Pret Zozye, garson Yosadak, e avek leres lepep ki'n retournen e dir zot:

Agze 2:23

Me sa zour, mon pou pran ou, mon serviter Zorobabel, garson Sealtiel e fer ou vin parey en sele personnel, akoz mon'n swazir ou. SENYER liniver ki deklare.

Matye 1:11

Zozyas ti papa Yekonya ek son bann frer. Sa ti dan lepok ki pep Izraelit ti ganny deporte Babilonn.

Matye 1:13

Zorobabel ti papa Abihoud; Abioud ti papa Elyakim; Elyakim ti papa Azor;

Matye 1:17

An tou, ti annan 14 zenerasyon depi Abrahanm ziska David, 14 zenerasyon depi David ziska deportasyon Babilonn, e 14 zenerasyon depi deportasyon Babilonn ziska nesans Mesi.

Levanzil dapre Lik 3:27

garson Yoanann, garson Reza, garson Zorobabel, garson Salatyel, garson Neri,