Mark 9:50 - Labib An Kreol Seselwa

⁵⁰ Disel i bon, me si i'n perdi son gou, ki mannyer ou pou kapab fer li vin sale ankor? Met disel dan zot lavi e viv anpe avek kanmarad.”

Mark 9:50 ပူးပေါင်းရင်းမြစ်များ

Liv Zob 6:6

Lekel ki kapab manz keksoz fad, san disel? Eski blandef i annan gou?

Psonm 133:1

I bon, i gou war bann frer viv ini ansanm.

Psonm 34:14

Aret fer sa ki mal, pratik sa ki byen; rod lape e met li an pratik.

Ezekyel 43:24

Ou ava prezant zot devan SENYER. Bann pret ava fann disel lo zot e ofer zot koman sakrifis konplet devan SENYER.

Matye 5:13

Zezi ti kontinyen dir: Se zot disel later. Me si disel i perdi son gou, avek kwa ou pou redonn li son gou sale? I pa bon pour nanryen; i ganny zete deor, pour dimoun mars lo la.

Mark 9:34

Me zot ti reste trankil, akoz dan semen, zot ti pe diskite ant zot, pou konnen lekel ki pli enportan parmi zot.

Mark 9:49

Annefe, tou dimoun pou ganny sale avek dife.

Romen 12:18

Si i posib, fer tou sa ki depann lo zot, pour zot viv anpe avek tou dimoun.

2 Korentyen 13:11

Aprezan, mon bann frer ek ser! Mon dir zot adye! Rod laperfeksyon, swiv bann bon konsey, ankouraz kanmarad, viv anpe dakor avek kanmarad, e Bondye lanmour ek lape ava avek zot.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Efezyen 4:29

Pa les bann move parol sorti dan zot labous; me koz zis bann parol itil ki kapab ed lezot pour progrese dan lafwa e kan i neseser, pour fer dibyen sa enn ki ekout ou.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

Kolosyen 4:6

Veye ki zot parol i touzour agreab e enteresan, pour zot kapab donn bann repons valab tou dimoun.

1 Tesalonisyen 5:13

Annan bokou respe ek lafeksyon pour zot, akoz travay ki zot pe fer. Viv byen anpe ant zot.

2 Timote 2:22

Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Let Zak 1:20

akoz en dimoun ankoler pa realiz plan lazistis Bondye.

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.