Mark 9:41 - Labib An Kreol Seselwa

⁴¹ Mon dir zot, sa i laverite: Sa enn ki donn zot en ver delo pour bwar akoz zot pour Kris, i pa pou perdi son rekonpans.”

Mark 9:41 ပူးပေါင်းရင်းမြစ်များ

Matye 10:42

En dimoun ki donn menm en ver delo fre sa enn ki pli pti parmi mon bann disip, akoz i mon disip, mon dir zot, sa i laverite: I pa pou perdi son rekonpans.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Mark 4:10

Kan Zezi ti tousel, sa bann dimoun ki ti avek li ek son 12 zapot, ti demann li leksplikasyon bann parabol.

Romen 14:15

Si, ler ou manz en keksoz ou fer lapenn ou frer, ou pa pe azir dapre lanmour. Fer atansyon ki pour en kestyon manze, ou pa vin lakoz lapert en dimoun, pour ki Kris in mor.

Romen 8:9

Kanta zot, zot pa viv anba kontrol natir imen. Zot viv anba kontrol Lespri, si vreman Lespri Bondye i reste dan zot. Sa enn ki napa Lespri Kris, pa pour Kris.

1 Korentyen 15:23

Me sakenn dan son ran: Kris premye parmi tou. Apre, tou sa bann ki krwar dan Kris, kan i pou vini.

1 Korentyen 3:23

Me zot, zot pour Kris, e Kris i pour Bondye.

2 Korentyen 10:7

Get sityasyon an fas! Si en dimoun i krwar ki i pour Kris, i devre realize ki si i pour Kris, nou osi nou pour Kris.

Galat 3:29

E si zot pour Kris, alor, zot bann desandan Abrahanm, e zeritye promes ki Bondye in fer.

Galat 5:24

Me bann ki pour Zezi-Kri, in krisifye zot prop natir imen avek zot bann pasyon ek zot bann dezir.