Mark 9:2 - Labib An Kreol Seselwa

² Sis zour plitar, Zezi ti pran avek li Pyer, Zak ek Zan. I ti anmenn zot en pe alekar, tousel lo en gran montanny. Son laparans ti sanze devan zot:

Mark 9:2 ပူးပေါင်းရင်းမြစ်များ

1 Rwa 18:33

I ti aranz dibwa lo la, koup sa toro an morso e plas li lo dibwa.

1 Rwa 18:42

Alor Akab ti monte pour al manze e bwar. Eli ti mont lo montanny Karmel; i ti prostern li ater, son latet ant son de zenou.

Egzod 24:13

Alor, Moiz ek Zozye son asistan, ti mont lo montanny Bondye.

Ezai 33:17

Ou lizye ava admir lerwa dan son labote. Zot ava admir en pei dan tou son grander.

Ezai 53:2

I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Matye 14:13

Kan Zezi ti antann sa nouvel, i ti mont lo en kannot li tousel pour al dan en landrwa, lwen avek lafoul. Me kan lafoul ti antann sa, zot ti sorti dan bann lavil e swiv Zezi apye.

Mark 14:33

I ti anmenn avek li Pyer, Zak ek Zan. I ti konmans santi lafreyer ek langwas.

Mark 16:12

Apre sa, Zezi ti aparet dan en lot fason avek de disip lo semen ki al dan lakanpanny.

Mark 5:37

I pa ti les personn akonpanny li, eksepte Pyer, Zak ek son frer Zan.

Levanzil dapre Lik 6:12

Dan sa letan, Zezi ti al lo montanny pour priye. I ti priy Bondye tou lannwit.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

2 Korentyen 13:1

Sa i fer trwazyenm fwa ki mon pe vin kot zot. Parey in ekri: Tou zafer devre ganny deside lo parol de oubyen trwa temwen.

Filipyen 3:21

Par sa pwisans ki met tou keksoz anba son lotorite, i pou transform nou lekor feb pour fer li vin parey son lekor glorye.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.