Mark 8:25 - Labib An Kreol Seselwa

²⁵ Zezi ti poz son lanmen ankor lo son lizye. Sa zonm ti get drwat devan li: I ti war byen. I ti'n geri. I ti war tou keksoz kler.

Mark 8:25 ပူးပေါင်းရင်းမြစ်များ

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Matye 13:12

Annefe, sa enn ki annan, pou ganny plis ankor annabondans. Me sa enn ki napa nanryen, pou ganny arase menm sa pti gin ki i annan.

Mark 8:24

Sa aveg ti lev latet, i ti gete e i ti dir, “Mon war dimoun, me zot parey bann pye dibwa ki pe marse.”

Mark 8:26

Alor, Zezi ti anvoy li se li. I ti dir li, “Pa ni menm antre dan vilaz.”

Akt de Zapot 1:10

Zot ti ankor pe fikse lesyel kot Zezi ti pe monte, kan de zonm abiye an blan ti aparet akote zot.

Akt de Zapot 14:9

I ti pe ekout sa ki Pol ti pe dir. Pol ti fikse li. I ti war ki i ti posed lafwa pour li ganny geri.

Filipyen 1:6

Mon sir ki Bondye ki'n konmans sa bon travay parmi zot, ava kontinyen fer li ziska ki i ganny konplete, zour ki Zezi-Kri ava retournen.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!