Mark 8:18 - Labib An Kreol Seselwa

¹⁸ Zot annan lizye, me zot pa war kler? Zot annan zorey, me zot pa tande? Zot pa rapel:

Mark 8:18 ပူးပေါင်းရင်းမြစ်များ

Psonm 69:23

Zot lizye ava vin sonm e zot pou nepli war kler. Zot leren ava touzour kourbe.

Ezai 44:18

Zot pa konn nanryen; zot pa konpran nanryen. Zot lizye i bouse, zot pa war kler; zot lespri i bornen; zot pa ni war, ni konpran nanryen.

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Ezekyel 12:2

Ou ki en imen, ou ki viv parmi en pep rebel, zot annan lizye pour war, me zot pa war. Zot annan zorey pour antann, me zot pa tande; zot en pep rebel.

Mark 4:12

pour ki, menm si zot gete, zot pa pou war. Menm si zot ekoute, zot pa pou konpran. Pangar si zot konpran, zot ava konverti, e zot ava ganny pardonnen.”

Levanzil dapre Zan 12:40

Bondye in rann zot lizye aveg. I'n ferm zot leker, pour ki zot pa war avek zot lizye, e zot pa konpran avek zot leker, pour ki zot pa retourn kot mwan, pour mwan geri zot.

Romen 11:8

parey Lekritir i deklare: Bondye in donn zot en lespri sonmey, lizye ki pa war kler, e zorey ki pa tande, depi sa lepok ziska ozordi.

Deterononm 29:4

Me ziska ozordi, SENYER pa'n donn zot en lespri disernman pour konpran, ni lizye pour war, ni zorey pour tande.

2 Tesalonisyen 2:5

Zot ava rapel ki mon ti koz lo la, kan mon ti ankor avek zot.

2 Pyer 1:12

Pour sa rezon ki mon pour touzour rapel zot tousala, menm si zot deza konnen e ki zot in byen etabli dan laverite ki zot in resevwar.