Mark 7:9 - Labib An Kreol Seselwa

⁹ Zezi ti azoute, “Zot konn byen bann fason pour rezet komannman Bondye pour zot gard zot tradisyon.

Mark 7:9 ပူးပေါင်းရင်းမြစ်များ

Psonm 119:126

Senyer! In ler pour ou azir, akoz ou lalwa in ganny vyole.

Ezai 24:5

Bann zabitan in polye later akoz zot in transgres bann lalwa e vyol bann regleman. Zot in kas bann lalyans ki ti devre reste pour touzour.

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Mark 7:13

Dan sa fason, zot detri valer Parol Bondye par zot tradisyon. I annan bokou lezot keksoz parey, ki zot fer.”

Mark 7:3

Annefe, bann Farizyen, parey tou bann Zwif, pa manze san ki zot lav zot lanmen dapre tradisyon bann zanset.

Mark 7:5

Alor, bann Farizyen ek bann profeser Lalwa ti demann Zezi, “Akoz ou bann disip pa swiv tradisyon bann zanset, me zot manz avek lanmen enpir?”

Romen 3:31

Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

2 Korentyen 11:4

Annefe, zot pare pour aksepte nenport ki, ki vin anons zot en lot Zezi ki sa enn ki nou'n anons zot. Zot osi pare pour resevwar fasilman en lespri ek en mesaz ki diferan avek sa Lespri ek sa Bonn Nouvel ki zot in resevwar avek nou.

Galat 1:14

Mon ti progres pli vit dan larelizyon Zwif ki bokou dan mon laz. Mon ti annan bokou plis devouman pour bann tradisyon mon bann zanset, ki lezot Zwif.

Galat 2:21

Mon pa rezet lagras Bondye. Annefe, si en dimoun i ganny trouve zis par Lalwa, alor Kris in mor pour nanryen.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.