Mark 7:35 - Labib An Kreol Seselwa

³⁵ Toudswit, zorey sa zonm ti ouver e son lalang ti delarge. I ti koz dan en fason normal.

Mark 7:35 ပူးပေါင်းရင်းမြစ်များ

Psonm 33:9

Koman in koze, later i egziste. Koman in donn lord, later in egziste.

Matye 11:5

Bann aveg i war kler; bann paralize i marse; bann ki annan maladi parey lalep i geri; bann sourd i tande; bann mor i reganny lavi; bann pov i antann Bonn Nouvel.

Mark 2:12

Deswit, sa zonm ti leve. I ti pran son lanmak e sorti devan tou dimoun. Zot tou, zot ti etonnen e zot ti loue Bondye. Zot ti dir, “Zanmen nou'n deza war en tel keksoz!”

Mark 7:34

Apre, Zezi ti lev lizye ver lesyel. I ti pran en gran respirasyon. I ti dir, “Efata!” Savedir: Ouver!

Mark 7:36

Zezi ti ordonn zot pour pa dir personn. Me pli i ti dir zot sa, pli zot ti rakonte.