Mark 7:26 - Labib An Kreol Seselwa

²⁶ Sa fanm ti en non-Zwif, ki'n ne Fenisi, an Siri. I ti sipliy Zezi pour sas sa demon ki ti dan son fiy.

Mark 7:26 ပူးပေါင်းရင်းမြစ်များ

Ezai 49:12

La zot la; zot in arive sorti lwen, zot sorti, en bann dan Nor, en bann dan Was, lezot dan Sid, dan Lezip.

Matye 15:22

En fanm Kananeen ki ti reste dan sa rezyon, ti vin kot Zezi. I ti konmans kriye, “Senyer, Garson David pran pitye pour mwan. Mon fiy pe ganny tourmante par en demon.”

Matye 4:24

Son renonmen ti fannen partou dan Lasiri antye. Zot ti anmenn kot li bann ki ti annan toudsort maladi e ki ti pe soufer: Bann ki ti posede par demon, bann ki ti annan bebelouka ek bann ki ti paralize. Zezi ti geri zot tou.

Mark 7:25

Annefe, en fanm ki ti annan en pti fiy ki ti posede par en move lespri ti tande ki Zezi ti la. I ti vin kot li e tonm azenou devan li.

Mark 7:27

Me Zezi ti reponn li, “Les bann zanfan manze avan, akoz i pa byen pour pran manze en zanfan pour zet avek lisyen.”

Galat 3:28

Alor, i nepli annan okenn diferans ant Zwif ek non-Zwif, ant lesklav e ant dimoun lib, zonm oubyen fanm, akoz zot tou, zot in vin en sel avek Zezi-Kri.

Kolosyen 3:11

Alor, i nepli annan okenn distenksyon ant Zwif ek non-Zwif; sirkonsi ek ensirkonsi. I nepli annan etranze ek non-sivilize, lesklav ek dimoun lib, me se Kris ki tou e dan tou.