Mark 7:21 - Labib An Kreol Seselwa

²¹ Annefe, se dan leker dimoun ki tou sa bann move keksoz i sorti: Move panse, move aksyon, vol, krim,

Mark 7:21 ပူးပေါင်းရင်းမြစ်များ

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Liv Zob 14:4

Lekel ki kapab fer sa ki pir sorti dan sa ki enpir? Personn pa kapab.

Liv Zob 25:4

Koman en zonm i kapab zis devan Bondye? Koman zanfan ki en fanm in donn nesans, i kapab pir devan Bondye?

Psonm 119:36

Donn mwan sa dezir swiv ou bann lord e non pa rod mon prop lentere.

Psonm 14:1

Bann fou i dir dan zot leker: Napa Bondye. Zot koronpi. Zot fer bann aksyon degoutan. Personn pa fer sa ki byen.

Psonm 14:3

Zot tou, zot in egare; zot tou, zot in koronpi. Personn pa fer sa ki byen, pa menm en sel.

Psonm 53:1

Bann fou i dir dan zot menm: Napa Bondye. Zot koronpi; zot fer bann keksoz degoutan. Personn pa fer sa ki byen.

Psonm 53:3

Zot tou, zot in kit bon semen. Zot tou, zot in koronpi. Napa personn ki fer sa ki byen.

Proverb 15:25

SENYER i detri lakaz sa enn ki vantar; me i protez propriyete en vev.

Proverb 4:23

Sirtou, vey lo ou leker, akoz i sours lavi.

Ezai 59:13

Nou'n revolte e nou'n dezobei SENYER; nou'n trai li e nou pa'n swiv nou Bondye. Nou'n koz lopresyon ek revolt; nou'n konsevwar bann mansonz ki nou'n medite dan fon nou leker.

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Zeremi 16:12

Me zot, zot in fer pli pir ki zot zanset: Zot tou, zot kontinyen reste dan lantetman e zot pa oule ekout sa ki mon dir zot.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Ezekyel 38:10

La sa ki Senyer BONDYE i deklare: Sa zour, toudsort lide pou mont dan ou lespri. Ou ava form en proze ki anmenn maler.

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Matye 9:4

Me Zezi ti konn tou sa ki ti pe pase dan zot lespri. I ti demann zot, “Akoz zot pe mazin tou sa bann move keksoz dan zot leker?

Mark 7:20

Zezi ti dir ankor, “Sa ki sorti dan leker en zonm, ki fer li enpir.

Mark 7:22

adilter, lanvi pour keksoz dimoun, mesanste, riz, lavi dezord, zalouzi, kalonmni, vantardiz, nwizans.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Akt de Zapot 5:4

Avan ki ou ti vann li, sa propriyete ti pour ou, e apre ki ou ti'n vann li, larzan ki ou ti'n gannyen ti pour ou. Akoz alor, ki ou'n deside dan ou leker pour fer en tel aksyon? Pa avek zonm ki ou'n manti, me avek Bondye.”

Akt de Zapot 8:22

Sanz ou move lentansyon e priy Senyer pour ki i pardonn ou si posib, ou move lentansyon.

Romen 7:5

Kan nou ti pe viv dapre nou prop natir, nou bann move dezir, eksite par Lalwa, ti travay dan nou lekor antye pour prodwi fri lanmor.

Romen 7:8

Pese in sezi lokazyon pour prodwir dan mwan, par lentermedyer komannman, toudsort kalite dezir, akoz san Lalwa, pese i en keksoz mor.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

Let Zak 2:4

Ou pe fer preferans ant zot e ou zizman i baze lo bann move rezonnman.