Mark 6:34 - Labib An Kreol Seselwa

³⁴ Kan Zezi ti debarke, i ti war en gran lafoul. I ti pran pitye pour zot, akoz zot ti parey bann mouton san berze. I ti ansenny zot bokou keksoz.

Mark 6:34 ပူးပေါင်းရင်းမြစ်များ

1 Rwa 22:17

Mise ti reponn, “Mon'n war pep Izrael antye disperse lo bann montanny parey mouton san berze. SENYER in deklare: Sa bann zans napa met; sakenn, retourn se li anpe!”

2 Kronik 18:16

Alor Mise ti reponn: Dan en vizyon, mon'n war tou bann gerye eparpiye partou lo montanny, parey en troupo san berze. SENYER ti dir: Sa larme nepli annan sef, Sakenn, rantre anpe kot li.

Ezai 13:14

Alor, parey en gazel ki pe ganny pourswiv, oubyen, parey troupo mouton san personn pour rasanble zot, zot pou retourn kot zot prop pep; sakenn pou sov dan son pei.

Zeremi 50:6

Mon pep in vin parey en troupo mouton egare; zot berze in anmenn zot lo move semen. In fer zot tourn anron dan montanny; zot in rode partou dan bann kolin, ziska ler zot in oubliye kote zot reste.

Ezekyel 34:5

Alor, zot in ganny disperse e zot in vin viktim zannimo sovaz.

Zakari 10:2

Annefe, zot bann pti stati in koz mansonz; bann deviner in ganny fo vizyon. Zot bann rev ki zot rakonte, pa realize. Zot bann konsolasyon pa vo nanryen. Pour sa rezon, lepep i mars san direksyon parey bann mouton. Zot soufer akoz zot napa berze.

Nonm 27:17

pour komann zot dan lager, pour ki ou pep pa egare parey bann mouton san berze.”

Matye 14:14

Kan Zezi ti debarke, i ti war en gran lafoul. I ti pran pitye pour zot e i ti geri zot bann malad.

Matye 15:32

Zezi ti apel son bann disip. I ti dir zot, “Sa lafoul i fer mwan pitye: Zot avek mwan depi trwa zour e zot napa nanryen pour manze. Mon pa kapab fer zot ale, vant vid; zot kapab tonm feb dan semen.”

Matye 9:36

Son leker ti ranpli avek konpasyon pour lafoul ki i ti war, akoz zot ti fatige e dekouraze. Zot ti parey bann mouton san berze.

Mark 6:33

Me bokou dimoun ti rekonnet zot e ti war zot pe ale. Zot ti sorti dan bann lavil an tayan e ariv laba avan Zezi ek son bann disip.

Mark 6:35

Ti deza tar kan bann disip ti apros Zezi. Zot ti dir li, “I deza tar e nou dan en landrwa izole.

Mark 8:1

En lot zour, ti annan ankor en gran lafoul ki ti'n rasanble. Zot ti napa nanryen pour manze. Alor, Zezi ti apel son bann disip. I ti dir zot,

Mark 8:2

“Mon annan pitye pour sa lafoul, akoz zot in avek mwan depi trwa zour; zot napa nanryen pour manze.

Levanzil dapre Lik 9:11

Kan lafoul ti remark sa, zot ti swiv li. Zezi ti byen akey zot e i ti koz avek zot lo Rwayonm Bondye. I ti geri bann ki ti bezwen gerizon.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.