Mark 6:15 - Labib An Kreol Seselwa

¹⁵ Me i annan ki ti pe dir: Sa Eli! Oubyen ankor: I en profet, parey enn nou bann profet lontan.

Mark 6:15 ပူးပေါင်းရင်းမြစ်များ

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Matye 16:14

Zot ti reponn li, “En bann i dir ou Zanbatis. Lezot i dir Eli; e lezot ankor i dir Zeremi oubyen enn bann profet.”

Matye 21:11

Lafoul ti reponn, “Sa Zezi, sa profet ki sorti Nazaret dan Galile.”

Mark 6:16

Me kan Herod ti antann sa, i ti dir, “Sa Zanbatis ki mon'n fer koup likou. Li menm ki'n resisite.”

Mark 8:28

Zot ti dir li, “Zanbatis; me en bann i dir, Eli; en lot bann ankor i dir ki ou enn bann profet.”

Levanzil dapre Lik 1:17

I pou vin koman mesaze Bondye, avek lespri ek pouvwar profet Eli: I pou tourn leker bann papa ver zot zanfan. I pou fer sanze bann ki dezobeisan e bann ki zis pou ganny lasazes. I pou prepar en pep pour Senyer.”

Levanzil dapre Lik 7:16

Tou dimoun ki ti la ti ranpli avek lafreyer. Zot ti loue Bondye. Zot ti dir, “En gran profet in leve parmi nou; Bondye in vin sekour son pep.”

Levanzil dapre Lik 7:39

Kan sa Farizyen ki ti'n envit Zezi, ti war sa, i ti dir dan li menm: Si sa zonm ti en profet, i ti pou konnen lekel sa fanm ki pe tous li, e ki i en fanm movez vi.

Levanzil dapre Lik 9:19

Zot ti reponn, “Pour en bann, Zanbatis; pour lezot, Eli, e lezot ankor, enn bann ansyen profet ki'n resisite.”

Levanzil dapre Lik 9:8

Serten ti dir ki Eli ki'n aparet, e lezot, ki enn bann ansyen profet ki'n resisite.

Levanzil dapre Zan 1:21

Zot ti demann li, “Alor, ou lekel ou? Eski ou menm Eli?” Zan ti dir, “Non, mon pa Eli.” Zot ti dir, “Alor, ou menm sa Profet?” Zan ti reponn, “Non.”

Levanzil dapre Zan 1:25

Zot ti demann li, “Alor, si ou pa ni Mesi, ni Eli, ni sa Profet, akoz ou batiz dimoun?”

Levanzil dapre Zan 6:14

Kan bann dimoun ti war sa siny ki Zezi ti'n fer, zot ti dir: Sa zonm i vreman sa Profet ki devre vin dan lemonn!

Levanzil dapre Zan 7:40

Serten dimoun dan lafoul ki ti'n antann sa bann parol, ti dir, “Sa zonm i vreman li menm sa Profet.”

Levanzil dapre Zan 9:17

Alor bann Farizyen ti demann sa zonm ankor, “Ou dir ki i'n fer ou war kler. Alor, ki ou annan pour dir lo li?” Sa zonm ti reponn zot, “I en profet.”