Mark 5:40 - Labib An Kreol Seselwa

⁴⁰ Me zot ti riy li. Alor, Zezi ti fer zot tou sorti. I ti pran papa ek manman sa fiy, ek sa trwa disip ki ti pe akonpanny li. Zot ti antre dan lasanm sa zanfan.

Mark 5:40 ပူးပေါင်းရင်းမြစ်များ

Zenez 19:14

Alor, Lot ti al kot son bann zann, sa bann ki ti pou marye avek son bann fiy. I ti dir zot, “Leve! Kit sa landrwa, akoz SENYER pou detri lavil.” Me son bann zann ti pran sa koman en fars.

2 Rwa 4:33

I ti antre e ferm laport deryer li, e reste zis zot de anndan; i ti priy SENYER.

Nehemi 2:19

Me kan Sanbalat, en Horonit, e Tobiya, en administrater Amonit, ek Gesenm, en Arab, ti aprann sa, zot ti gognard nou e mepriz nou. Zot ti dir, “Ki zot pe fer la? Zot oule revolte kont lerwa?”

Liv Zob 12:4

Mon bann zanmi i boufonn mwan akoz kan mon apel Bondye, i reponn. Mwan, sa zonm drwat e san repros, mon pe ganny gognarde!

Psonm 22:7

Tou sa ki war mwan i boufonn mwan; zot gognard mwan, zot sekwe zot latet:

Matye 15:11

Pa sa ki antre dan labous en dimoun ki fer li enpir, me sa ki sorti dan son labous; sa, ki rann en dimoun enpir.”

Matye 7:6

Pa donn avek lisyen sa ki pour Bondye. Zot kapab retourn kont ou e desir ou. Pa zet ou bann perl devan bann koson. Zot kapab pil lo la.

Mark 5:39

I ti antre e i ti dir zot, “Akoz tou sa lazitasyon? Akoz zot pe plere? Sa fiy pa'n mor, i pe dormi.”

Mark 5:41

Zezi ti pran son lanmen. I ti dir li, “Talita koum.” Savedir: Zenn fiy, mon dir ou, leve!

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Akt de Zapot 17:32

Kan zot ti antann Pol koz lo size rezireksyon, serten ti gognard li, me lezot ti dir, “Nou ava ekout ou koz lo sa size en lot fwa.”