Mark 5:23 - Labib An Kreol Seselwa

²³ I ti sipliy li, “Mon pti fiy i pre pour mor. Vin poz ou lanmen lo li, pour ki i geri e kontinyen viv.”

Mark 5:23 ပူးပေါင်းရင်းမြစ်များ

2 Rwa 5:11

Naaman ti ankoler. I ti ale e dir dan li menm: Mon ti pe espere ki i ti pou sorti e vin devan mwan; ki i ti ava envok non SENYER son Bondye, e poz lanmen lo landrwa malad e geri mon lalep.

Psonm 107:19

Dan zot detres, zot ti kriy ver SENYER e i ti delivre zot dan zot langwas.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Matye 8:3

Zezi ti lev son lanmen e tous li. I ti dir, “Dakor, mon oule ki ou vin pir.” Deswit son maladi ti geri.

Mark 16:18

Si zot atrap serpan; si zot bwar en pwazon, sa pa pou fer zot okenn dimal. Zot pou poz zot lanmen lo bann malad e bann malad pou geri.”

Mark 5:24

Zezi ti al avek li. En gran lafoul ti swiv li. Zot ti pe pouse lo tou kote.

Mark 6:13

Zot ti sas bokou demon e zot ti fer lonksyon avek delwil lo en kantite malad ki zot ti geri.

Mark 7:32

Zot ti anmenn kot li en zonm sourd ki ti osi annan difikilte pour koze. Zot ti sipliy Zezi pour enpoz lanmen lo li.

Mark 8:23

Zezi ti atrap lanmen sa zonm e anmenn li an deor vilaz. I ti met lasaliv lo son lizye, poz lanmen lo li e demann li, “Eski ou war keksoz?”

Levanzil dapre Lik 13:13

Zezi ti poz lanmen lo li e deswit sa fanm ti dres debout e konmans loue Bondye.

Levanzil dapre Lik 4:38

Zezi ti kit sinagog e i ti al kot Simon. Belmer Simon ti malad avek en lafyev. Alor, zot ti demann Zezi pour geri li.

Levanzil dapre Lik 4:40

Apre soley kouse, tou dimoun ki ti annan fanmir malad avek toudsort maladi, ti anmenn zot kot Zezi. Zezi ti poz son lanmen lo zot, e geri zot.

Levanzil dapre Lik 7:12

Kan i ti pe apros laport lavil, dimoun ti pe anmenn en mor, sel garson en vev, pour al antere. En gran kantite zabitan lavil ti pe akonpanny sa vev.

Levanzil dapre Zan 11:3

Sa de ser Lazar ti anvoy dir Zezi, “Senyer! Ou zanmi i malad.”

Akt de Zapot 28:8

Papa Pibliis ti malad avek lafyev ek disantri. Pol ti vizit li, priy pour li, enpoz lanmen lo li e geri li.

Akt de Zapot 6:6

Zot ti prezant sa bann zonm devan bann zapot ki ti priy avek zot e enpoz lanmen lo zot.

Akt de Zapot 8:17

Alor, Pyer ek Zan ti enpoz lanmen lo zot e zot ti resevwar Lespri Sen.

Akt de Zapot 9:12

Dan en vizyon, i'n war en zonm ki apel Ananyas ki pe antre e poz lanmen lo li pour ki i revwar kler.”

Akt de Zapot 9:17

Alor, Ananyas ti ale. I ti ariv dan sa lakaz kot i ti enpoz lanmen lo Sol. I ti dir li, “Sol, mon frer! Senyer Zezi ki ti aparet avek ou lo semen kan ou ti pe vini, i'n anvoy mwan kot ou pour ki ou revwar kler e ki ou ranpli avek Lespri Sen.”