Mark 4:8 - Labib An Kreol Seselwa

⁸ En lot parti lagrenn ti tonm dan bon later. Zot ti pouse e grandi; zot ti donn fri: Serten 30, serten 60, e serten 100.”

Mark 4:8 ပူးပေါင်းရင်းမြစ်များ

Zenez 26:12

Izaak ti senm lagrenn dan sa pei, e i ti fer gran rekolt, san fwa plis, dan menm lannen. SENYER ti beni li,

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 23:29

Mon mesaz pa i parey en dife ki bril tou? SENYER i deklare. Pa i parey en marto ki kas ros?

Matye 13:23

Bann lagrenn ki tonm dan bon later, zot parey sa bann dimoun ki antann Laparol e konpran li. Zot raport bokou fri, serten 100, serten 60 e serten 30.”

Matye 13:8

Me en lot parti lagrenn ti tonm dan bon later; zot ti donn bokou fri. Serten ti raport 100, serten 60 e serten 30.”

Mark 4:20

Bann ki'n ganny senmen dan bon later, se bann ki'n antann Laparol. Zot akey li e zot raport bann fri: Serten 30, serten 60 e serten 100.”

Mark 4:7

En lot parti lagrenn ti tonm parmi bann brousay pikan. Sa bann pye pikan ti pous pli vit e touf zot; zot pa ti raporte.

Mark 4:9

Zezi ti dir, “Sa ki annan zorey pour antann, tande!”

Levanzil dapre Lik 8:15

Bann lagrenn ki tonm dan bon later se bann ki antann Laparol avek en leker onnet e bon; zot gard li e avek perseverans zot prodwir bokou fri.”

Levanzil dapre Lik 8:8

En lot parti lagrenn ti tonm dan bon later. Zot ti pouse; zot ti prodwir 100 fwa plis.” Zezi ti dir byen for, “Sa ki annan zorey pour antann, tande!”

Levanzil dapre Zan 15:5

Mwan pye rezen, e zot, zot bann brans. Sa enn ki reste ini avek mwan e mwan avek li, ava raport bokou fri. San mwan, zot pa kapab fer nanryen.

Levanzil dapre Zan 7:17

Tou dimoun ki dakor pour fer lavolonte Bondye, ava konnen si mon lansennyman i sorti kot Bondye, oubyen si mon koz par mon prop lotorite.

Akt de Zapot 17:11

Bann zabitan ti annan en pli bon santiman ki bann Zwif Tesalonik: Zot ti resevwar Parol Bondye avek bokou lentere. Tou le zour zot ti etidye Lekritir pour war si sa ki Pol ti dir zot, ti vre.

Efezyen 2:21

Zezi-Kri li menm ki tenir ansanm sa batiman antye e permet li grandi pour form en tanp sen, konsakre pour Senyer.

Filipyen 1:11

Alor, zot lavi ava ranpli avek bann fri lazistis ki Zezi-Kri i prodwir, pour mazeste ek louanz Bondye.

Kolosyen 1:6

Mesaz Bonn Nouvel i kontinyen repann e raport fri dan lemonn antye, parey in fer parmi zot, depi sa zour ki pour premye fwa, zot ti antann koz lo lagras Bondye e konnen ki i ete vreman.