Mark 4:31 - Labib An Kreol Seselwa

³¹ I parey en lagrenn moutard, ki pli pti lagrenn lo later.

Mark 4:31 ပူးပေါင်းရင်းမြစ်များ

Ezai 53:12

Pour sa rezon ki mon pou donn li en par avek bann gran. I ava ganny en parti larises bann lennmi. I'n depouy li ziska lanmor e i ti'n ganny plase parmi bann bandi. Sepandan, i'n pran lo li pese en kantite dimoun e pled pour bann kriminel.

Ezai 53:2

I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Ezai 60:22

Parmi zot, sa ki pli pti, pou vin en milye; sa ki pli feb, pou vin en nasyon pwisan. Mwan SENYER, mon pa pou tarde pour realiz tousala dan son letan.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zakari 12:8

Sa zour, SENYER pou protez bann zabitan Zerizalenm. Konmsa, sa enn ki pli feb parmi zot, ava parey David e desandan David pou vin parey Bondye pour zot, parey lanz SENYER ki mars devan zot.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Mark 4:30

Zezi ti dir ankor, “Avek kwa nou pou konpar Rwayonm Bondye, e par ki parabol nou pou reprezant li?

Mark 4:32

Me kan i ganny senmen, i pouse e i vin pli gran plant dan zarden. I donn bann gran brans kot bann zwazo i kapab vin fer zot nik anba son lonbraz.”

Levanzil dapre Lik 17:6

Zezi ti dir zot, “Si zot lafwa ti groser en lagrenn moutard, zot ti ava kapab dir avek sa pye dibwa: Derasin ou e al plant ou dan lanmer! I ti ava obei zot.

Akt de Zapot 19:20

Konmsa ki parol Senyer ti fannen avek gran pwisans e konverti bokou dimoun.

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Akt de Zapot 21:20

Apre ki zot ti'n antann li, zot ti rann glwar Bondye. Answit, zot ti dir Pol, “Frer! Ou war ki i annan plizyer milye Zwif ki'n aksepte lafwa. Me zot tou, zot atase avek Lalwa.

Akt de Zapot 4:4

Me bokou parmi bann ki ti'n antann sa mesaz ti krwar, e lakantite krwayan ti ariv anviron 5,000 zonm.

Akt de Zapot 5:14

Pli ale, en pli gran kantite dimoun, zonm ek fanm, ti krwar dan Senyer.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.