Mark 2:17 - Labib An Kreol Seselwa

¹⁷ Zezi ti'n antann sa. I ti dir zot, “Pa dimoun ki an bonn sante, ki bezwen dokter, me bann ki malad. Mon pa'n vin apel bann ki zis, me bann peser.”

Mark 2:17 ပူးပေါင်းရင်းမြစ်များ

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Matye 18:10

“Fer sir ki zot pa mepriz okenn sa bann pti zanfan. Annefe, mon dir zot: Zot bann lanz i toultan dan prezans mon Papa ki dan lesyel.

Levanzil dapre Lik 15:10

Mon dir zot, i parey dan lesyel: Bann lanz Bondye i kontan kan en sel peser i sanz son lavi.”

Levanzil dapre Lik 15:29

Alor, i ti reponn son papa: Tou sa bann lannen ki mon'n travay pour ou, zanmen mon'n dezobei ou lord. Ou pa'n zanmen donn mwan ni menm en kabri pour mwan fete avek mon bann zanmi.

Levanzil dapre Lik 15:7

Mon dir zot: Dan menm fason, i pou annan plis lazwa dan lesyel pour en sel peser ki sanz son lavi, ki pour 99 dimoun zis ki pa bezwen sanz zot lavi.”

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Levanzil dapre Lik 19:10

Annefe, Fis-de-Lonm in vin pour li rod e sov sa enn ki ti'n perdi.”

Levanzil dapre Zan 9:34

Zot ti reponn li, “Ou'n ne dan pese e aprezan oule esey ansenny nou?” E zot ti sas li dan sinagog.

Levanzil dapre Zan 9:40

Serten parmi bann Farizyen ki ti la, ti antann sa ki Zezi ti pe dir. Zot ti demann Zezi, “Eski, oule dir ki nou osi nou aveg?”

Akt de Zapot 20:21

Mon'n sipliy Zwif koman Grek pour tourn kot Bondye e krwar dan nou Senyer Zezi-Kri.

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.