Mark 16:17 - Labib An Kreol Seselwa

¹⁷ La bann siny ki pou akonpanny bann ki krwar: Zot pou sas demon lo mon non; zot pou koz bann nouvo langaz.

Mark 16:17 ပူးပေါင်းရင်းမြစ်များ

Mark 9:38

Zan ti dir Zezi, “Met! Nou ti war en zonm pe servi ou non pour sas demon; me nou ti fer fason pour anpes li, akoz i pa ti avek nou.”

Levanzil dapre Lik 10:17

Sa 72 disip ti retournen dan lazwa. Zot ti dir, “Senyer! Lo ou non, menm bann demon in obei nou.”

Levanzil dapre Zan 14:12

Mon dir zot, sa i laverite: Sa enn ki krwar mwan, li osi, ava fer bann menm aksyon ki mon'n fer. I ava menm fer sa ki pli gran ankor, akoz mon pe al kot Papa.

Akt de Zapot 10:46

Zot ti pe koz dan bann lalang etranze e rann glwar Bondye.

Akt de Zapot 16:18

I ti fer sa pandan plizyer zour. Finalman, Pol ti'n sitan agase, ki i ti vire e dir avek sa lespri ki ti dan sa servant, “Lo non Zezi-Kri! Mon ordonn ou sorti dan sa fiy.” Deswit sa lespri ti kit li.

Akt de Zapot 19:6

Kan Pol ti enpoz lanmen lo zot, Lespri Sen ti desann lo zot. Zot ti konmans koz bann lalang etranze, e anons mesaz ki Bondye ti donn zot.

Akt de Zapot 2:33

I'n ganny plase lo kote drwat Bondye e in resevwar Lespri Sen avek son Papa parey i ti'n promet li. Sa ki zot pe tande e war la, sanmenm sa Lespri ki i'n devers lo nou.

Akt de Zapot 5:16

En gran lafoul ti osi sorti dan bann lavil otour Zerizalenm. Zot ti anmenn bann malad, ek bann ki ti pe ganny tourmante par bann move lespri. Zot tou, zot ti ganny geri.

Akt de Zapot 8:7

Move lespri ti sorti dan bann malad avek leokri. En gran kantite paralize ek bann ki pa ti kapab marse ti osi ganny geri.

1 Korentyen 12:10

Enn i ganny don fer mirak, en lot i ganny don pour koz lo non Bondye. En lot ankor i ganny don pour disernen ant bon ek move lespri. Enn i ganny don pour koz dan diferan lalang, en lot pour enterpret bann lalang.

1 Korentyen 12:28

Dan Legliz, Bondye in etabli premyerman bann zapot, dezyenmman bann profet, trwazyenmman bann ansennyan. Answit, i vin bann ki annan don fer mirak; apre bann ki annan don pour geri bann malad, bann ki ed lezot, bann ki dirize, e bann ki annan don pour koz diferan lalang.

1 Korentyen 12:30

Pa tou ki posed don geri malad. Pa tou ki koz lalang etranze. Pa tou ki enterpret bann lalang.

1 Korentyen 13:1

Sipoze ki mon ti kapab koz lalang tou bann pep e menm lalang bann lanz: Si mon napa lanmour, mon parey en tanbour ki rezonnen, oubyen en senbal ki zis fer tapaz.

1 Korentyen 14:2

Annefe, sa enn ki koz dan bann lalang enkoni, pa koz avek dimoun, me avek Bondye. Personn pa konpran li. Avek led Lespri, i eksprim bann mister.