Mark 16:1 - Labib An Kreol Seselwa

¹ Apre saba, Mari Madlenn, Mari, manman Zak ek Salome, ti aste bann prodwi aromatik pour zot al anbonm lekor Zezi.

Mark 16:1 ပူးပေါင်းရင်းမြစ်များ

Zenez 50:2

Apre i ti donn lord son bann dokter pour anbonm lekor son papa. Alor, zot ti anbonm Izrael.

2 Kronik 16:14

I ti ganny antere Zerizalenm, dan en kavo ki li menm ti'n fer fouye dan ros. Zot ti depoz son lekor lo en ta prodwi aromatik ki bann anbonmer i fer e bril en gran kantite lansan an son loner.

Mark 14:3

Letan Zezi ti Betani, e pe manze kot Simon, ki ti annan en maladi parey lalep, en fanm ti antre avek en flakon plen avek en lesans nar pir, byen ser. I ti kas sa flakon e vers sa lesans lo latet Zezi.

Mark 14:8

Sa fanm i'n fer sa ki i ti kapab: I'n vers lesans lo mon lekor pour prepar mwan pour mon tonbo.

Mark 15:40

Pa tro lwen, ti annan osi bann fanm ki ti pe gete. Parmi zot ti annan Mari Madlenn, Mari manman Pti Zak, Zoze, ek Salome.

Mark 15:42

Aswar ti'n fer, kan Zozef, en zonm ki sorti Arimate ti arive. I ti en manm respektab dan Konsey. Li osi, i ti pe esper Rwayonm Bondye. Koman ti zour Preparasyon, savedir lavey saba,

Mark 15:47

Mari Madlenn ek Mari, manman Zoze ti pe gete kot zot ti depoz Zezi.

Mark 16:2

Granmaten, premye zour lasemenn, zis koman soley ti pe leve, zot ti al kot tonbo.

Mark 16:8

Alor, zot ti sorti dan kavo e zot ti taye akoz zot ti pe tranble avek lafreyer. Zot pa ti dir personn nanryen, akoz zot ti per.

Levanzil dapre Lik 23:54

Sa ti ariv zour Preparasyon; saba ti pe al konmanse.

Levanzil dapre Lik 23:56

Alor, zot ti retourn se zot e zot ti prepar bann aromat ek parfen. Zour saba, zot ti repoze, parey lalwa i ordonnen.

Levanzil dapre Lik 24:1

Byen granmaten, premye zour lasemenn, sa bann fanm ti al kot tonbo. Zot ti anmenn bann parfen ki zot ti'n prepare.

Levanzil dapre Zan 19:25

Lanmenm pre avek lakrwa, ti annan manman Zezi, ser son manman, Mari, fanm Kleopas ek Mari-Madlenn.

Levanzil dapre Zan 19:31

Ti zour preparasyon saba. Alor, bann Zwif ti demann Pilat pour fer kas lazanm bann zonm lo lakrwa, e fer desann bann lekor, pour ki zot pa reste lo lakrwa zour saba. Annefe sa saba ti en gran zour.