Mark 15:34 - Labib An Kreol Seselwa

³⁴ Ver 3 er, Zezi ti kriy avek en lavwa for: Eloi, Eloi, lama sabaktani? Savedir: Mon Bondye! Mon Bondye! Akoz ou'n abandonn mwan?

Mark 15:34 ပူးပေါင်းရင်းမြစ်များ

Psonm 22:1

Mon Bondye! Mon Bondye! Akoz ou'n abandonn mwan? Akoz ou reste sitan lwen avek mwan? Akoz ou pa ekout mon lapel?

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 42:9

Mon demann Bondye, mon Ros protekter: Akoz ou'n oubliy mwan? Akoz mon bezwen reste dan latristes e les mon bann lennmi kraz mwan?

Psonm 71:11

Zot dir: Bondye in abandonn li; napa personn pou delivre li, annou depese atrap li.

Ezai 41:17

Bann pov ek bann malere ava rod delo, me pou napa. Zot lalang i sek avek laswaf; mwan SENYER, mon pou reponn zot; mwan Bondye Izrael, mon pa pou abandonn zot.

Lamantasyon 1:12

Zot ki pas par la, zot pa konpran ki personn pa'n soufer otan parey mwan? SENYER li menm, ki'n anvoy sa soufrans dan letan son gran lakoler.

Lamantasyon 5:20

Akoz ou'n oubliy nou pour touzour? Eski ou pou abandonn nou tou dilon nou lavi?

Danyel 9:21

Mon ti ankor pe priye, kan Gabriyel, sa zonm ki mon ti'n war avan dan en vizyon, ti anvol ver mwan avek en gran vites. Sa ti pandan sakrifis aswar.

Matye 27:45

Apartir midi, pei antye ti dan fernwanr pandan 3 erdtan.

Matye 27:46

Ver 3 er apre midi, Zezi ti kriy avek en lavwa for, “Eloi! Eloi! Lama sabaktani?” Savedir, “Mon Bondye! Mon Bondye! Akoz ou'n abandonn mwan?”

Mark 15:25

I ti 9 er bomaten kan zot ti krisifye li.

Mark 15:35

Serten parmi bann ki ti pe debout la, ti antann li. Zot ti dir, “Ekoute! I pe apel Eli.”

Levanzil dapre Lik 23:44

Ver midi, partou dan pei ti fernwanr ziska 3 er apremidi.

Levanzil dapre Lik 23:46

Alor, Zezi ti kriy avek en lavwa for, “Papa! Mon remet mon lespri dan ou lanmen.” Kan i ti'n fini dir sa parol, Zezi ti rann son dernyen soupir.

Akt de Zapot 10:3

En zour, ver 3 er apremidi, i ti ganny en vizyon. I ti war byen klerman en lanz Bondye antre se li. Sa lanz ti dir li, “Korney!”

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.