Mark 15:26 - Labib An Kreol Seselwa

²⁶ Lo en plak, zot ti afis rezon son kondannasyon: Lerwa bann Zwif.

Mark 15:26 ပူးပေါင်းရင်းမြစ်များ

Psonm 2:6

Mwan ki'n etabli mon lerwa lo Siyon, mon montanny sen.

Psonm 76:10

Menm lakoler bann imen i rann ou glwar; ou antour ou avek leres ou lakoler.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Ezai 10:7

Me li, pa sa son lentansyon. I pa ni annan sa lide. I pe zis mazin detri e fer disparet otan nasyon posib.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Matye 2:2

Zot ti demande, “Oli sa lerwa bann Zwif ki fek ne? Nou'n war son zetwal dan Les, e nou'n vin ador li.”

Matye 27:37

Par lao son latet, zot ti'n ekri rezon son kondannasyon: Zezi, lerwa bann Zwif.

Mark 15:2

Pilat ti kestyonn li, “Ou menm ou lerwa bann Zwif?” Zezi ti reponn li, “Ou menm ki pe dir.”

Mark 15:27

Zot ti krisifye de bandi avek li, enn adrwat, lot agos.

Mark 15:32

Kris! Lerwa Izrael! Desann, konmela menm, lo sa lakrwa. Konmsa, nou ava war e nou ava krwar.” Bann ki ti'n ganny krisifye avek li ti osi ensilte li.

Deterononm 23:5

Me SENYER, ou Bondye pa ti ekout Balaanm; SENYER, ou Bondye ti sanz sa malediksyon an en benediksyon pour ou, akoz SENYER, ou Bondye ti kontan ou.