Mark 15:24 - Labib An Kreol Seselwa

²⁴ Zot ti krisifye li, e zot ti partaz son lenz par tiraz osor, pour desid par sakenn.

Mark 15:24 ပူးပေါင်းရင်းမြစ်များ

Levanzil dapre Lik 23:34

Zezi ti dir, “Papa! Pardonn zot, akoz zot pa konnen ki zot pe fer.” Zot ti tir osor pour partaz son lenz.

Akt de Zapot 2:23

Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.

Akt de Zapot 5:30

Bondye nou bann zanset in resisit sa Zezi ki zot, zot in met anmor lo lakrwa.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Deterononm 21:23

Me fodre pa ki son kadav i reste anpandan tou lannwit. Ou devre anter li menm zour, akoz en lekor ki reste anpandan, i anmenn malediksyon Bondye. Ou pa kapab rann enpir later ki SENYER, ou Bondye pou donn ou an posesyon.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.