65 En bann parmi zot ti konmans kras lo li, bann son lizye, e tap li. Zot ti dir, “Profetize! Devinen lekel ki'n tap ou.” Bann gard osi, ti atrap li e bat li.
Kan lerwa ti rantre sorti dan zarden pale e retourn dan lasal festen, Haman ti'n tonm lo divan kot Ester ti'n akroupi. Lerwa ti kriye, “Eski i pou oze atak larenn devan mwan, kot mwan?” Apenn ki lerwa ti'n dir sa bann parol, ki zot ti kouver latet Haman.
Mon ti vir mon ledo avek sa bann ki ti pe fwet mwan e mon lazou avek sa bann ki ti pe aras mon labarb. Mon pa ti kasyet mon figir avek bann ki ti pe ensilte mwan e kras lo mwan.
I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.
Aprezan, zabitan Zerizalenm! Sizle zot lekor koman siny dey. Lennmi pe antour nou, ou'n ganny anserkle. Avek en baton, zot tap sef Izrael lo son lazou.
SENYER ti reponn, “Si son papa ti'n kras dan son figir, pa i ti pou dan laont pandan set zour? Alor, met li deor pour set zour e apre sa, i ava kapab repran son plas dan kan.”
Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.