Mark 14:58 - Labib An Kreol Seselwa

⁵⁸ “Nou ti antann li dir: Mon pou detri sa Tanp ki'n konstri par zonm e dan trwa zour mon pou rekonstri en lot, ki pa'n konstri par zonm.”

Mark 14:58 ပူးပေါင်းရင်းမြစ်များ

Danyel 2:34

Letan ou ti pe gete, san okenn lentervansyon imen, en ros sorti dan montanny, ti tap lipye sa stati ki ti an fer e anter; i ti kraze e vin lapousyer.

Danyel 2:45

Ou ti war sa ros sorti dan montanny, san lentervansyon okenn lanmen, e i ti kraz fer, bronz, later, larzan ek lor. Bondye ki gran in fer konnen lerwa sa ki pou arive dan lavenir. Sa rev i vre e son lenterpretasyon i bon.

Matye 26:61

Zot ti dir, “Sa zonm in dir: Mon kapab detri Tanp e rekonstri li dan trwa zour.”

Mark 14:57

Serten ti leve e donn sa fo levidans kont Zezi,

Mark 14:59

Me menm lo la, zot ti kontredir kanmarad.

Mark 15:29

Dimoun ki ti pe pase, ti ensilte li. Zot ti sekwe latet. Zot ti dir, “Ou ki ti pou detri Tanp e rekonstri li dan trwa zour,

Levanzil dapre Zan 2:19

Zezi ti reponn, “Detri sa Tanp, e mon ava rekonstri li dan trwa zour.”

Akt de Zapot 7:48

Me parey profet i deklare, Bondye ki dan lesyel, pa reste dan lakaz konstri par zonm:

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Ebre 9:11

Me Kris in vini koman Gran-Pret bann bon keksoz ki'n arive. I'n penetre dan en latant ki meyer e pli parfe, ki pa'n fer par zonm e ki pa form parti sa kreasyon.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.