39 I ti al ankor priye, e dir menm parol.
Kan zot priye, pa servi en kantite parol parey bann non-Zwif: Zot krwar ki Bondye ava ekout zot si zot koz bokou.
Veye e priye pour zot pa tonm dan tantasyon. Lespri i for, me lekor i feb.”
Kan i ti retournen, i ti war zot pe dormi, akoz zot lizye ti lour avek sonmey. Zot pa ti konnen ki pou dir li.
Zezi ti rakont zot en parabol pour montre ki fodre touzour priye e pa perdi kouraz.
Trwa fwa mon'n sipliy Senyer pour debaras mwan avek sa soufrans.
Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.
