Mark 13:27 - Labib An Kreol Seselwa

²⁷ Alor, i pou anvoy bann lanz dan kat kwen lemonn, depi later ziska lesyel, pour rasanble tou bann ki'n ganny swazir.”

Mark 13:27 ပူးပေါင်းရင်းမြစ်များ

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Ezai 65:9

Mon pou fer sorti en desandan dan Zakob. Dan Zida pou sorti en zeritye; bann ki mon'n swazir pour erit mon bann montanny la kot mon bann serviter pou enstal zot.

Zakari 2:6

La sa ki SENYER liniver i deklare: Leve! Sove, kit pei Nor. Mon'n dispers ou dan tou direksyon, parey divan ki soufle dan kat kwen lesyel. SENYER ki deklare.

Matye 12:42

Zour Zizman, larenn sorti dan Sid pou leve avek dimoun sa zenerasyon e i pou kondann zot, akoz i ti sorti dan bout later pour vin ekout lasazes Salomon. Me isi, i annan en dimoun ki pli gran ki Salomon!”

Matye 13:41

Fis-de-Lonm pou anvoy son bann lanz dan son Rwayonm pour elimin tou bann ki fer tonm dan lemal e bann ki fer lemal zot menm.

Matye 13:49

Lafen lemonn pou parey: Bann lanz pou al separ bann ki move avek bann ki bon.

Matye 24:22

Me si Bondye pa ti'n rakoursi sa bann zour, personn pa ti pou ganny sove. Me Bondye in rakoursi sa bann zour, akoz son pep ki i'n swazir.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Mark 13:20

Si Senyer pa ti'n rakoursi sa bann zour, personn pa ti pou ganny sove. Me in rakoursi sa bann zour, akoz bann ki i'n swazir.

Mark 13:22

Annefe, bann fo mesi ek bann fo profet pou aparet. Zot pou fer bann siny ek bann mirak pour tronp zot, e si posib, menm bann ki Bondye in swazir.

Mark 13:28

“Pran leson lo pye fig: Kan son bann brans i vin tann e son bann fey i konmans pouse, zot konnen ki lete i pros.

Levanzil dapre Lik 16:22

En zour, sa pov zonm ti mor e bann lanz ti anmenn li kot Abrahanm. Sa zonm ris osi ti mor e zot ti anter li.

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Levanzil dapre Zan 10:16

Mon annan ankor mouton ki pa dan sa berkay. Mon bezwen anmenn zot osi. Zot ava antann mon lavwa. Alor, i ava annan en sel troupo avek en sel berze.

Levanzil dapre Zan 11:52

pa zis pour nasyon Zwif, me osi pour rasanble koman en sel pep, tou bann zanfan Bondye ki'n disperse.

Romen 8:33

Lekel ki pou akiz sa bann ki Bondye in swazir? Personn, akoz Bondye ki deklar zot non koupab.

Deterononm 30:4

Menm si ou pou ganny disperse atraver later antye, SENYER, ou Bondye pou rasanble ou e retourn avek ou depi kot ou ete.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

2 Tesalonisyen 2:1

Mon bann frer ek ser! Pour sa ki konsern retour nou Senyer Zezi-Kri ek nou rasanbleman avek li, mon sipliy zot:

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.