Mark 13:26 - Labib An Kreol Seselwa

²⁶ Alor, zot ava war Fis-de-Lonm vini lo bann nyaz avek gran pwisans, e avek mazeste.

Mark 13:26 ပူးပေါင်းရင်းမြစ်များ

Matye 16:17

Zezi ti reponn li, “Ou ere, Simon, garson Zonas! Annefe, sa ki ou'n dir, pa en dimoun ki'n dir ou, me mon Papa ki dan lesyel.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 16:28

Mon dir zot, sa i laverite: Parmi bann ki isi, serten pa pou mor, avan ki zot war Fis-de-Lonm vini koman en lerwa.”

Matye 24:30

Alor, siny Fis-de-Lonm pou aparet dan lesyel. Tou bann pep lo later pou lamante e zot pou war Fis-de-Lonm vini lo nyaz dan lesyel, avek gran pwisans ek gran mazeste.

Matye 25:31

“Kan Fis-de-Lonm pou vini dan son mazeste avek tou son bann lanz, i pou asiz lo son tronn rwayal.

Mark 14:62

Zezi ti reponn, “Wi! Mwan menm; e zot pou war Fis-de-Lonm pe asiz lo kote drwat Bondye Toupwisan, e pe vini parmi bann nyaz dan lesyel.”

Mark 8:38

Annefe, sa enn ki onte akoz mwan ek mon bann parol parmi sa zenerasyon adilter, ranpli avek pese, Fis-de-Lonm osi pou onte pour li, kan i pou vini dan mazeste son Papa avek bann lanz sen.”

Mark 9:1

Zezi ti dir zot, “Mon dir zot, sa i laverite: I annan parmi zot isi, ki pa pou mor, avan ki zot war Rwayonm Bondye vini avek pwisans.”

Levanzil dapre Lik 21:27

Alor, zot pou war Fis-de-Lonm vini lo en nyaz avek gran pwisans ek gran mazeste.

Akt de Zapot 1:11

Sa de zonm ti dir zot, “Galileen! Akoz zot reste la pe get dan lesyel? Sa Zezi ki'n ganny anleve dan lesyel parmi zot, pou retournen dan menm mannyer ki zot in war li mont dan lesyel.”

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

2 Pyer 1:16

Annefe, nou pa'n baz nou lo bann fab konplike pour fer zot konn retour pwisan nou Senyer Zezi-Kri. Nou'n war son grander avek nou prop lizye.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.