Mark 13:13 - Labib An Kreol Seselwa

¹³ Tou dimoun pou ay zot akoz mon non. Me sa enn ki reste fidel ziska lafen, pou ganny sove.

Mark 13:13 ပူးပေါင်းရင်းမြစ်များ

Danyel 12:12

Byennere sa bann ki persevere e ariv ziska 1,335 zour.

Matye 10:22

Tou dimoun pou ay zot akoz mwan. Me sa enn ki persevere ziska lafen, pou ganny sove.

Matye 24:13

Me sa bann ki reste fidel ziska lafen pou ganny sove.

Matye 24:9

Zot pou ganny persekite e ganny met anmor. Dimoun pou ay zot akoz mwan.

Mark 13:12

En frer pou denons son frer, pour fer li ganny touye. En papa pou fer parey avek son bann zanfan. Bann zanfan pou revolte kont zot paran e fer zot ganny kondannen anmor.

Levanzil dapre Lik 21:17

Dimoun pou ay zot akoz mon non.

Levanzil dapre Lik 6:22

Zot byennere, kan dimoun i ay zot, e malparl zot; kan zot ganny rezete, ensilte e dimoun i dir dimal lo zot akoz Fis-de-Lonm!

Levanzil dapre Zan 15:21

Me tousala pou arive avek zot akoz mwan. Annefe, zot pa konn sa enn ki'n anvoy mwan.

Levanzil dapre Zan 17:14

Mon'n donn zot ou mesaz, e lemonn in ay zot, akoz zot pa fer parti lemonn, parey mwan, mon pa fer parti lemonn.

Romen 2:7

Bann ki fer lebyen, pou ganny laglwar, loner ek limortalite.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Ebre 10:39

Nou, nou pa parmi sa bann dimoun ki retourn annaryer e ki ganny detri. Okontrer, nou parmi bann ki annan lafwa e ki pou ganny sove.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Zan 3:13

Mon bann frer! Pa etonnen si lemonn i deteste zot.

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.

Revelasyon 3:10

Akoz ou'n obei mon lord avek perseverans, mon pou protez ou pandan bann letan leprev ki pe vini, pour teste bann zabitan later.