Mark 13:11 - Labib An Kreol Seselwa

¹¹ Kan zot pou ganny arete e anmenn devan ziz, pa trakase davans lo sa ki zot pou dir. Zis dir parol ki zot ava gannyen dan sa moman. Pa zot ki pou koze, me Lespri Sen.

Mark 13:11 ပူးပေါင်းရင်းမြစ်များ

2 Samyel 23:2

Lespri SENYER in koz atraver mwan, son parol i dan mon labous.

Ezai 50:4

Senyer BONDYE in ansenny mwan pour ankouraz sa ki feb, avek en bon parol. Tou le bomaten, i fer mon zorey drese; mon zorey i drese pour ekoute parey en disip.

Matye 10:17

Fer atansyon! Zot pou ganny arete e ganny anmennen ankour. Zot pou ganny fwete dan zot bann sinagog.

Mark 13:12

En frer pou denons son frer, pour fer li ganny touye. En papa pou fer parey avek son bann zanfan. Bann zanfan pou revolte kont zot paran e fer zot ganny kondannen anmor.

Mark 13:9

Me zot, fer atansyon. Zot pou ganny arete e ganny trennen devan bann tribinal. Zot pou ganny bate dan bann sinagog. Akoz mon non, zot pou debout devan bann dirizan pei ek bann lerwa. Zot ava mon bann temwen devan zot.

Levanzil dapre Lik 21:12

Me avan tousala, zot pou ganny arete, persekite e ganny anmennen dan bann sinagog e zet dan prizon. Akoz mon non, zot pou ganny anmennen devan bann lerwa ek bann gouverner.

Levanzil dapre Zan 3:27

Zan ti reponn, “Personn pa kapab ganny nanryen si pa lesyel ki donn li.

Akt de Zapot 2:4

Zot tou, zot ti ranpli avek Lespri Sen e zot ti konmans koz dan lezot lalang, dapre ki Lespri Sen ti donn zot pouvwar.

Akt de Zapot 3:13

Bondye Abrahanm, Izaak ek Zakob, Bondye tou nou bann zanset, in montre mazeste son serviter Zezi-Kri, ki zot ti livre avek lotorite, e renye devan Pilat, ki pourtan ti'n deside larg li.

Akt de Zapot 4:31

Kan zot ti'n fini priye, landrwa kot zot ti'n reini ti sekwe. Zot tou, zot ti ranpli avek Lespri Sen e zot ti konmans anons mesaz Bondye san okenn lafreyer.

Akt de Zapot 6:10

Me Etyenn, ranpli avek Lespri Sen ti koz avek lasazes e zot pa ti kapab reponn son largiman.

Akt de Zapot 6:15

Tou bann manm Konsey ti fikse Etyenn e zot ti war son figir vin parey pour en lanz.

Akt de Zapot 7:55

Me ranpli avek Lespri Sen, Etyenn ti lev lizye e fikse lesyel. I ti war mazeste Bondye, avek Zezi pe debout lo kote drwat Bondye.

1 Korentyen 2:13

Nou pa servi bann diskour dapre lansennyman lasazes imen, me avek sa ki Lespri Bondye i ansennyen. Konmsa ki nou eksplik bann verite spirityel avek dimoun ki annan sa Lespri dan li.

Efezyen 3:5

Dan letan pase, en tel sekre pa ti ganny kominike avek bann imen. Me par son Lespri, Bondye in aprezan revel li avek son bann zapot ek son bann profet ki'n ganny konsakre pour Bondye.

Let Zak 1:5

Si parmi zot i annan enn ki mank lasazes, ki i demande e Bondye ava donn li. Annefe, Bondye i donn tou dimoun zenerezman san fer okenn repros.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.