Mark 12:40 - Labib An Kreol Seselwa

⁴⁰ Zot pran tou sa ki bann vev i posede. Anmenmtan, zot pas zot letan fer bann long lapriyer. Zot pinisyon pou bokou pli sever.”

Mark 12:40 ပူးပေါင်းရင်းမြစ်များ

Ezekyel 22:25

Son bann profet i parey bann lyon ki kriye e desir en zannimo ki zot in atrape. Zot in touy dimoun, vol zot larzan ek zot byen presye e les deryer en kantite vev.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

Matye 23:14

Maler lo zot bann profeser Lalwa ek bann Farizyen! Bann ipokrit! Zot eksplwat bann vev e pran posesyon zot lakaz. Anmenmtan, zot fer long lapriyer pour zot paret bon. Zot kondannasyon pou pli sever.

Matye 23:33

Zot bann serpan, ras viper! Ki mannyer zot ekspekte sap kondannasyon lanfer?

Matye 6:7

Kan zot priye, pa servi en kantite parol parey bann non-Zwif: Zot krwar ki Bondye ava ekout zot si zot koz bokou.

Mark 12:39

Zot kontan bann premye plas dan bann sinagog e meyer plas dan bann gran resepsyon.

Levanzil dapre Lik 20:47

Zot eksplwat bann vev e pran posesyon zot byen, e fer sanblan fer long lapriyer. Zot kondannasyon pou pli sever.”

2 Korentyen 11:20

Annefe, zot aksepte ganny trete koman lesklav, ganny eksplwate, vole, meprize, oubyen ganny zifle.

2 Timote 3:6

Serten parmi zot i antre dan bann lakaz e soumet anba zot lenfliyans, bann fanm feb ki sarze avek pese, ki les zot ganny antrennen par toudsort kalite pasyon.