Mark 12:37 - Labib An Kreol Seselwa

³⁷ David li menm ti apel li, Senyer. Alor ki mannyer i kapab osi son garson?” Sa gran lafoul ti ekout li avek plezir.

Mark 12:37 ပူးပေါင်းရင်းမြစ်များ

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Matye 11:25

Dan sa letan, Zezi ti dir: Mon remersye ou, Papa, Senyer lesyel ek later. Ou'n kasyet tou sa bann keksoz avek bann dimoun saz e entelizan, me ou'n revel zot avek bann zanfan.

Matye 11:5

Bann aveg i war kler; bann paralize i marse; bann ki annan maladi parey lalep i geri; bann sourd i tande; bann mor i reganny lavi; bann pov i antann Bonn Nouvel.

Matye 21:45

Kan bann gran-pret ek bann Farizyen ti antann bann parabol Zezi, zot ti konpran ki i ti pe koz lo zot.

Matye 21:46

Alor, zot ti rod fason pour aret li. Me zot ti per lafoul, ki ti konsider Zezi koman en profet.

Levanzil dapre Lik 19:48

Me zot pa ti war okenn fason fer li, akoz tou dimoun ti ekout Zezi avek bokou latansyon.

Levanzil dapre Lik 21:38

Depi granmaten, lepep ti vin kot li dan Tanp pour ekout li.

Levanzil dapre Zan 12:9

En gran lafoul bann Zwif ti'n tande ki Zezi ti Betani. Alor, zot ti vini, pa zis akoz Zezi, me osi akoz Lazar ki Zezi ti'n leve parmi bann dimoun mor.

Romen 9:5

Zot desandan bann patriars, e Kris, koman en imen, i fer parti zot pep; i par lao tou. Bondye ava ganny loue pour touzour. Amenn.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

Revelasyon 22:16

Mwan Zezi, mon'n anvoy mon lanz avek sa temwannyaz konsernan bann Legliz. Mwan menm desandan David; mwan menm sa zetwal ki briye granmaten.