Mark 12:29 - Labib An Kreol Seselwa

²⁹ Zezi ti reponn li, “La premye komannman: Ekoute Izrael: Senyer nou Bondye i sel Senyer.

Mark 12:29 ပူးပေါင်းရင်းမြစ်များ

Psonm 86:10

Ou vreman gran e ou fer bann mervey. Zis ou ki Bondye.

Proverb 23:26

Mon garson! Donn mwan ou leker; pran plezir swiv mon legzanp.

Matye 10:37

Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.

Matye 23:9

Pa apel personn isi lo later, ‘Papa’, akoz zot annan zis en sel Papa ki dan lesyel.

Levanzil dapre Lik 10:27

Sa profeser Lalwa ti reponn li, “Kontan Senyer ou Bondye avek tou ou leker, avek ou et antye, avek tou ou lafors, avek tou ou lespri, e ou prosen parey ou menm.”

Romen 3:30

akoz i annan en sel Bondye. Par lafwa i pou rann zis devan li bann Zwif sirkonsi, e par lafwa egalman bann non-Zwif ki pa'n ganny sirkonsi.

1 Korentyen 8:4

Alor, pour sa ki konsern konsonmasyon lavyann ki'n ofer avek zidol, nou konnen ki zidol pa nanryen an realite. Nou konnen osi, ki i annan en sel vre Bondye.

Galat 3:20

Me en lentermedyer napa son rezondet kan i annan zis en sel dimoun, e Bondye li, i en sel.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 30:6

SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.

Deterononm 6:4

Izrael! Ekoute. SENYER, nou Bondye i sel SENYER.

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

1 Timote 2:5

Annefe, i annan en sel Bondye e en sel medyater ant Bondye ek bann imen: En zonm, Zezi-Kri,

Let Zak 2:19

Ou krwar ki i annan en sel Bondye; sa i byen. Me bann demon osi zot krwar e zot tranble.

Let Zid 1:25

pour li, sel Bondye, nou Sover par Zezi-Kri nou Senyer, nou rann glwar, grander, pwisans ek lotorite, depi touzour, aprezan e pour touzour. Amenn!