Mark 12:14 - Labib An Kreol Seselwa

¹⁴ Zot ti vin dir li, “Met! Nou konnen ki ou fran e ou pa per personn. Ou pa pran kont lenportans dimoun, me ou ansenny laverite lo lavolonte Bondye. Dir nou, eski nou Lalwa i permet pey taks Sezar? Eski nou devre peye oubyen non?”

Mark 12:14 ပူးပေါင်းရင်းမြစ်များ

2 Kronik 18:13

Me Mise ti dir, “Devan SENYER ki vivan, mon pou anons sa ki mon Bondye ava dir mwan.”

2 Kronik 19:7

Mon swete ki zot annan gran respe pour SENYER. Azir byen dan tou sirkonstans, akoz dan SENYER nou Bondye, napa ni lenzistis, ni preferans, ni koripsyon.”

Nehemi 9:37

Tou son kantite prodwi, i pour bann lerwa ki ou'n plas lo nou latet, akoz nou bann pese. Zot domin lo nou ek nou bann troupo e nou dan en gran soufrans!

Psonm 120:2

SENYER! Delivre mwan kont labous bann manter, kont bann lalang tronper.

Psonm 55:21

Son parol i pli dou ki dimyel; me i annan lager dan son leker. Son bann parol ti glise, parey delwil; me an realite, zot ti koman en pwannyar.

Zeremi 42:20

Zot pe fer en gro fot. Zot ti demann mwan priy SENYER nou Bondye pour zot, e zot ti promet ki zot pou fer tou sa ki i pou dir zot fer.

Mise 3:8

Me mwan, mon ranpli avek lafors, avek lespri SENYER, lazistis ek kouraz, pour denons Zakob son bann lenfidelite e Izrael, son pese.

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Matye 22:17

Dir nou, ki ou krwar: Dapre nou Lalwa, eski nou devre pey taks Sezar, wi ou non?”

Mark 12:13

Zot ti anvoy bann Farizyen ek bann Herodyen kot Zezi pour esey met li dan pyez par son prop parol.

Mark 12:15

Zezi ti'n war zot lipokrizi. I ti dir zot, “Akoz zot oule met mwan dan en pyez? Anmenn en pyes larzan isi, e les mwan gete.”

Mark 14:45

Deswit koman Zida ti arive, i ti al kot Zezi. I ti dir li, “Met!” I ti anbras li.

Levanzil dapre Lik 20:22

Dapre nou Lalwa, eski nou devre pey taks Sezar, wi ou non?”

Levanzil dapre Lik 23:2

kot zot ti konmans akiz li. Zot ti dir, “Nou'n trouve ki sa zonm pe met troub dan nou nasyon. I defann nou pey taks Sezar, e i pe dir ki se li menm Mesi, en lerwa.”

Levanzil dapre Zan 7:18

En dimoun ki koz par son prop lotorite, pe rod laglwar pour li menm. Me sa enn ki travay pour laglwar sa enn ki'n anvoy li, i dir laverite, e napa nanryen fo dan li.

Romen 13:6

Pour sa menm rezon ki zot pey taks, akoz lotorite ki ranmas taks, pe travay pour Bondye.

2 Korentyen 2:17

Nou pa parey sa kantite lezot dimoun ki fer komers avek Parol Bondye. O kontrer, akoz Bondye ki'n anvoy nou, nou koz avek senserite delapar Bondye, devan Bondye, ini avek Kris.

2 Korentyen 2:2

Annefe, si mon rann zot tris, lekel ki pou donn mwan lazwa, si pa sa enn ki mon'n rann tris?

2 Korentyen 4:1

Akoz Bondye ki dan son bonte, i'n konfye nou sa minister, nou pa perdi kouraz.

2 Korentyen 5:11

Akoz nou konnen ki savedir annan respe pour Senyer, nou fer tou pour konvenk dimoun. Me Bondye i konn nou tre byen. Mon espere ki dan zot konsyans, zot osi, zot konn mwan byen.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.

Galat 1:10

Dir mwan aprezan: Eski mon pe rod faver imen oubyen faver Bondye? Eski mon pe rod fer plezir bann zonm? Si mon ti ankor pe fer plezir bann zonm, mon ti pou nepli en serviter Kris.

Galat 2:6

Me bann ki ti ganny konsidere koman dirizan parmi zot, pa fer mwan nanryen pour konnen ki zot ti ete, akoz Bondye pa ziz dapre laparans; sa bann dirizan pa ti enpoz okenn nouvo lord lo mwan.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

1 Tesalonisyen 2:4

Me Bondye in teste nou pour konfye nou son Bonn Nouvel. Nou pa prese pour fer plezir zonm, me pour fer plezir Bondye ki war dan fon nou leker.