Mark 12:1 - Labib An Kreol Seselwa

¹ Apre, Zezi ti koz avek zot an parabol. I ti dir zot, “En zour, en zonm ti plant en plantasyon rezen. I ti met en miray toultour. I ti fouye pour fer en preswar diven. I ti fer en tour pour en gardyen. Apre, i ti kit sa plantasyon rezen avek bann lokater e i ti al an vwayaz.

Mark 12:1 ပူးပေါင်းရင်းမြစ်များ

Ezai 7:23

Sa zour, la kot ti annan en plantasyon rezen, en valer 1,000 pyes larzan, pou annan zis bann zarbis pikan.

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?

Ezekyel 20:49

Apre mon ti dir: Senyer BONDYE! Zot dir ki mon zis en rakonter parabol.

Matye 13:3

Zezi ti servi parabol pour ansenny zot bokou keksoz. I ti dir zot, “En zour, en senmer ti sorti pour al senm lagrenn.

Matye 21:28

Zezi ti dir zot, “Ki zot mazinen lo la? En zonm ti annan de garson. I ti dir avek lene garson: Mon garson! Al travay dan mon plantasyon rezen, ozordi.

Matye 21:33

Zezi ti dir, “Ekout ankor en lot parabol: En zonm ti'n plant en plantasyon rezen. I ti fer en baraz toultour. I ti fouye pour fer en preswar diven, e i ti fer en tour pour gardyen. Apre, i ti lwe sa plantasyon avek bann planter e i ti al vwayaze.

Matye 21:34

Kan letan ti'n arive pour rekolte rezen, i ti anvoy detrwa serviter kot bann lokater pour al rod son par prodwi.

Matye 25:14

“Rwayonm lesyel i parey en zonm ki ti pe prepare pour li al vwayaze. I ti apel son bann serviter e met zot ansarz son propriyete.

Mark 11:33

Alor, zot ti reponn Zezi, “Nou pa konnen.” Zezi ti dir zot, “Mwan osi mon pa pou dir zot par ki lotorite mon fer tousala.”

Mark 13:34

I pou parey en zonm ki pe al an vwayaz. I kit son lakaz e met son bann serviter ansarz. I donn sakenn son louvraz; i donn lord gardyen pour vey laport.

Mark 3:23

Alor, Zezi ti apel zot e koz avek zot an parabol, “Ki mannyer Satan i kapab sas Satan?

Mark 4:2

Zezi ti ansenny zot en kantite keksoz an parabol. I ti dir zot,

Levanzil dapre Lik 15:13

Detrwa zour apre, sa zenn garson ti vann tou sa ki i ti'n gannyen e antreprann en vwayaz pour en pei byen lwen. Laba, i ti goberz tou son larzan dan en lavi dezordonnen.

Levanzil dapre Lik 19:12

Alor, Zezi ti rakonte, “En zonm, sorti dan en fanmir nob, ti al dan en pei lwen pour li ganny kouronnen koman lerwa; i ti devre answit retournen.

Levanzil dapre Lik 22:9

Zot ti demann Zezi, “Kote ou ti ava kontan nou al fer preparasyon?”

Levanzil dapre Lik 8:10

Zezi ti dir zot, “Pour zot, sekre Rwayonm Bondye in ganny revele. Me pour lezot, i ganny dir an parabol, pour ki menm si zot gete, zot pa war, e menm si zot ekoute, zot pa konpran.”

Akt de Zapot 7:38

Li menm ki ti la avek pep Izrael ki ti'n rasanble dan dezer. I ti la avek nou bann zanset e avek lanz ki ti koz avek li lo montanny Sinai. I ti resevwar bann parol lavi pour transmet avek nou.