Mark 11:14 - Labib An Kreol Seselwa

¹⁴ I ti dir avek sa pye fig, “Personn pa pou zanmen manz ou fri ankor.” Son bann disip ti antann li dir sa.

Mark 11:14 ပူးပေါင်းရင်းမြစ်များ

Matye 21:19

I ti war en pye fig obor semen. Kan i ti al gete, i ti war zis fey. I ti dir avek sa pye fig, “Ou pa pou zanmen raport fri ankor!” Deswit sa pye fig ti sek.

Matye 21:33

Zezi ti dir, “Ekout ankor en lot parabol: En zonm ti'n plant en plantasyon rezen. I ti fer en baraz toultour. I ti fouye pour fer en preswar diven, e i ti fer en tour pour gardyen. Apre, i ti lwe sa plantasyon avek bann planter e i ti al vwayaze.

Matye 21:44

Sa enn ki tonm lo sa ros pou ganny kas an morso; e si sa ros i tonm lo en dimoun, i pou kraz li.”

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Matye 7:19

Tou pye dibwa ki pa raport bon fri i ganny koupe e zete dan dife.

Mark 11:13

I ti war dan lwen en pye fig kouver avek fey. Alor, i ti ale pour war si ti annan fri lo la. Me kan i ti ariv obor, i ti war zis fey, akoz pa ti lasezon fig.

Mark 11:15

Zot ti ariv Zerizalenm. Zezi ti antre dan Tanp kot i ti konmans sas bann vander ek bann aster. I ti savir latab bann ki ti pe sanz larzan, ek sez bann ki ti pe vann pizon.

Levanzil dapre Zan 15:6

Tou dimoun ki pa reste ini avek mwan, parey en brans, i ganny rezete e i sek. Brans sek, i ganny ranmase, zet dan dife e ganny brile.

2 Pyer 2:20

Annefe, i annan ki'n sape anba move lenfliyans lemonn, gras a konnesans nou Senyer e Sover Zezi-Kri. Me, si zot les zot reganny atrape e reganny anpaye, e ganny bate, zot kondisyon i vin pir ki avan.

Revelasyon 22:11

Malfeter ava kontinyen pratik plis lemal. Dimoun sal ava kontinyen reste dan zot salte. Sa enn ki bon ava kontinyen pratik plis sa ki byen e sa enn ki sen ava kontinyen vin touzour pli sen.