Mark 10:23 - Labib An Kreol Seselwa

²³ Apre, Zezi ti get son bann disip ki ti otour li. I ti dir zot, “Koman i vreman difisil pour en dimoun ris antre dan Rwayonm Bondye!”

Mark 10:23 ပူးပေါင်းရင်းမြစ်များ

Liv Zob 31:24

Si mon'n plas mon konfyans dan lor, e dir sa metal presye: Ou menm mon sekirite;

Matye 18:3

I ti dir, “Mon dir zot, sa i laverite: Si zot pa sanze e vin parey bann zanfan, zot pa pou zanmen antre dan Rwayonm lesyel.

Mark 10:15

Mon dir zot, sa i laverite: Sa enn ki pa resevwar Rwayonm Bondye parey en zanfan, i pa pou zanmen antre dan Rwayonm.”

Mark 10:22

Kan sa zonm ti antann sa, i ti dekonserte. I ti ale byen tris, akoz i ti annan gran larises.

Mark 3:5

Alor, Zezi ti get zot avek lakoler. I ti vreman sagren pour war zot leker dir. I ti dir avek sa zonm, “Dres ou lanmen.” Sa zonm ti dres son lanmen e deswit, son lanmen ti geri.

Mark 5:32

Zezi ti get toultour li pour war lekel ki ti'n fer sa.

Levanzil dapre Lik 18:24

Zezi ti get li e i ti dir, “Koman i difisil pour bann ki annan bokou larises pour antre dan Rwayonm Bondye!

Levanzil dapre Zan 3:5

Zezi ti reponn li, “Mon dir ou, sa i laverite: Personn pa kapab antre dan Rwayonm Bondye si i pa ne par delo e par Lespri.

1 Korentyen 1:26

Mon bann frer ek ser! Mazinen ki mannyer Bondye in apel zot: Parmi zot, napa bokou saz, ni bokou ki annan pouvwar, ni bokou ki sorti dan fanmir nob.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.

2 Pyer 1:11

Annefe, konmsa ki zot pou ganny drwa antre libreman dan rwayonm eternel nou Senyer e Sover Zezi-Kri.