Mark 1:8 - Labib An Kreol Seselwa

⁸ Mwan, mon batiz zot avek delo. Me li, i pou batiz zot dan Lespri Sen.

Mark 1:8 ပူးပေါင်းရင်းမြစ်များ

Proverb 1:23

Ekout mon bann lavertisman! Alor, mon ava devers mon konnesans lo zot; mon ava fer zot konn mon mesaz.

Ezai 32:15

ziska zour Lespri sorti lao dan lesyel ava desann lo nou. Alor, dezer pou vin en plantasyon fri, en verze ki vin parey en lafore.

Ezai 44:3

Annefe, mon pou aroz sa later ki swaf e fer koule bann sours lo later ki sek. Mon pou donn mon lespri ou desandans e mon benediksyon ou bann prozenitir.

Zoel 2:28

Apre sa, mon pou devers mon lespri lo tou dimoun: Zot zennzan ek zot zenn fiy pou profetize. Zot bann vyeyar pou ganny rev, Zot bann zennzan pou ganny vizyon.

Matye 3:11

Mwan, mon batiz zot dan delo, pour montre ki zot pe sanz zot mannyer viv. Me sa enn ki vin apre mwan, i pou batiz zot avek Lespri Sen ek dife. I pli pwisan ki mwan: Mon pa diny pour tir son sandal.

Mark 1:7

I ti anonse: Sa enn ki pou vin apre mwan i pli pwisan ki mwan. Mon pa diny pour mwan bese e delarg lase son sandal.

Mark 1:9

Dan sa lepok, Zezi ti arive sorti Nazaret, en vilaz dan Galile. Zan ti batiz li dan larivyer Zourden.

Levanzil dapre Lik 3:16

Alor, Zan ti reponn zot tou, “Mwan, mon batiz zot avek delo, me sa enn ki pe vini, i pli for ki mwan, e mon pa diny pour delarg lase son sandal. Li, i pou batiz zot avek Lespri Sen ek dife.

Levanzil dapre Zan 1:26

Zan ti reponn zot, “Mwan, mon batiz zot dan delo. Me i annan enn parmi zot ki zot pa konnen.

Levanzil dapre Zan 1:33

Mwan menm mon pa ti konn li; me sa enn ki ti anvoy mwan batiz dan delo ti dir mwan: Sa enn ki ou ava war Lespri desann lo li, li menm ki pou batiz dan Lespri Sen.

Akt de Zapot 1:5

Zan ti batiz avek delo, me zot, dan detrwa zour, zot pou ganny batize dan Lespri Sen.

Akt de Zapot 10:45

Bann krwayan Zwif ki ti'n vin akonpanny Pyer ti byen etonnen pou war ki Bondye ti'n devers son Lespri Sen lo bann non-Zwif osi.

Akt de Zapot 2:17

La sa ki Senyer i deklare: Dan sa bann dernyen zour, mon pou repann mon Lespri lo tou bann et imen. Zot bann garson ek zot bann fiy pour profetize. Zot bann zennzan pour ganny bann vizyon. Zot bann vyeyar pour ganny bann rev.

Akt de Zapot 2:4

Zot tou, zot ti ranpli avek Lespri Sen e zot ti konmans koz dan lezot lalang, dapre ki Lespri Sen ti donn zot pouvwar.

1 Korentyen 12:13

Nou tou, Zwif oubyen non-Zwif, lesklav oubyen dimoun lib, nou'n ganny batize dan en sel Lespri, pour vin en sel lekor. Nou tou, nou'n bwar dan en sel Lespri.