Mark 1:35 - Labib An Kreol Seselwa

³⁵ Lannmen byen granmaten, ankor fernwanr, Zezi ti leve. I ti al an deor lavil, dan en landrwa dezer kot i ti priye.

Mark 1:35 ပူးပေါင်းရင်းမြစ်များ

Psonm 109:4

An rekonpans pour mon lanmitye, zot akiz mwan, alor ki mon priy pour zot.

Psonm 5:3

SENYER! Byen bomaten, ou antann mon lavwa; tou le bomaten mon met mwan pare e mon espere.

Matye 14:13

Kan Zezi ti antann sa nouvel, i ti mont lo en kannot li tousel pour al dan en landrwa, lwen avek lafoul. Me kan lafoul ti antann sa, zot ti sorti dan bann lavil e swiv Zezi apye.

Matye 14:23

Apre ki i ti'n fer zot ale, i ti mont lo montanny pour priye alekar. Kan fernwanr ti fer, Zezi ti reste la, tousel.

Mark 1:36

Simon ek bann zanmi ki ti avek li, ti al rod li.

Levanzil dapre Lik 5:16

Me Zezi ti al dan bann landrwa dezer pour priye.

Levanzil dapre Lik 6:12

Dan sa letan, Zezi ti al lo montanny pour priye. I ti priy Bondye tou lannwit.

Levanzil dapre Zan 4:34

Zezi ti dir zot, “Mon nouritir se pour fer lavolonte sa enn ki'n anvoy mwan, e fini misyon ki i'n konfye mwan.

Levanzil dapre Zan 6:15

Zezi ti realize ki zot ti pe vin pran li pardfors, pour fer li vin lerwa. Alor, i ti retourn dan montanny, li tousel.

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Filipyen 2:5

Zot devre annan menm konportman ant zot, parey dimoun ki ini avek Zezi-Kri:

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.