Mark 1:24 - Labib An Kreol Seselwa

²⁴ Sa zonm ti kriye, “Ki ou pe rode avek nou, Zezi ki sorti Nazaret? Eski ou'n vin isi pour detri nou? Mon konnen ki ou menm sa zonm Sen anvoye par Bondye.”

Mark 1:24 ပူးပေါင်းရင်းမြစ်များ

Psonm 16:10

Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.

Egzod 14:12

Depi Lezip, pa nou ti dir ou: Les nou trankil e nou ava servi bann Ezipsyen? Vomye nou ti'n servi bann Ezipsyen olye vin mor dan dezer.”

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Matye 2:23

I ti al etabli li dan en lavil ki ti apel Nazaret. Alor, parol bann profet ti ganny realize: I pou ganny apele Nazareen.

Matye 8:29

Zot ti konmans kriye, “Ki ou pe rode avek nou, Garson Bondye? Eski ou'n vin isi pour tourmant nou avan ler?”

Mark 1:23

Zisteman, dan zot sinagog, ti annan en zonm ki ti posede par en move lespri.

Mark 1:25

Me Zezi ti reprimann sa move lespri, “Reste trankil! Sorti dan sa zonm!”

Mark 10:47

Kan Bartime ti tande ki Zezi ki sorti Nazaret ki ti pe pase, i ti konmans kriye, “Zezi, Garson David, pran pitye pour mwan!”

Mark 14:67

Kan i ti war Pyer pe sof li obor dife, i ti get li. I ti dir, “Ou osi, ou ti avek Zezi ki sorti Nazaret.”

Mark 16:6

Me i ti dir zot, “Pa bezwen per, mon konnen ki zot pe rod Zezi ki sorti Nazaret, ki'n ganny krisifye. I pa isi, i'n resisite. Gete, la landrwa kot zot ti'n met li.

Mark 5:7

I ti kriy avek tou son lafors, “Ki ou pe rode avek mwan, Zezi, Garson Bondye Treo? Mon sipliy ou: Lo non Bondye, pa tourmant mwan.”

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Levanzil dapre Lik 24:19

Zezi ti demann zot, “Kwa ki'n arive?” Zot ti reponn li, “Lo size Zezi ki sorti Nazaret. I ti en gran profet an aksyon e an parol devan Bondye e devan lepep antye.

Levanzil dapre Lik 4:34

“Ki ou pe rode avek nou, Zezi ki sorti Nazaret? Eski ou'n vin isi pour detri nou? Mon konnen ki ou ete: Ou menm sa Zonm Sen ki sorti kot Bondye.”

Levanzil dapre Lik 8:28

Kan i ti war Zezi, i ti konmans kriye. I ti tonm ater devan li, e i ti kriy byen for, “Zezi, Garson Bondye Treo! Ki ou pe rode avek mwan? Mon sipliy ou, pa tourmant mwan.”

Levanzil dapre Lik 8:37

Alor, bann zabitan rezyon bann Zerazenyen ti sipliy Zezi pour kit zot landrwa, akoz zot ti per. Alor, Zezi ti anbark dan kannot e retournen.

Levanzil dapre Zan 6:69

Aprezan, nou, nou krwar e nou konnen ki ou menm ou sa Sen ki sorti kot Bondye.”

Akt de Zapot 2:27

akoz ou pa pou abandonn mwan dan lemonn lanmor, ni permet ou Sen konn dekonpozisyon.

Akt de Zapot 24:5

Nou'n dekouver ki sa zonm i en nwizans, ki provok dezord parmi bann Zwif dan lemonn antye. Li menm, en sef sa parti Nazareen.

Akt de Zapot 3:14

Zot in renye sa enn ki sen e zis, e zot in prefere demann Pilat pour donn laliberte en kriminel.

Akt de Zapot 4:27

Annefe, i byen vre ki Herod ek Pons-Pilat ti ini ansanm dan sa lavil, avek bann nasyon etranze ek pep Izrael, kont Zezi, ou sen serviter ki ou'n konsakre.

Let Zak 2:19

Ou krwar ki i annan en sel Bondye; sa i byen. Me bann demon osi zot krwar e zot tranble.

1 Zan 2:20

Me zot ki'n ganny konsakre par sa enn ki Sen, zot tou, zot in ganny konnesans laverite.

Revelasyon 3:7

Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver: