Malasi 4:6 - Labib An Kreol Seselwa

⁶ I pou tourn leker bann papa ver zot bann zanfan, e leker bann zanfan ver zot papa, pour ki mon pa vin detri konpletman zot pei.

Malasi 4:6 ပူးပေါင်းရင်းမြစ်များ

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 24:6

Pour sa rezon, later in ganny devore par malediksyon. Son bann zabitan pe soufer konsekans. Alor, zot diminyen lo later e i pa reste bokou dimoun.

Ezai 40:3

En lavwa i kriye: Prepar en semen dan dezer pour SENYER; nivle en larout pour nou Bondye.

Ezai 43:28

Alor, mon'n dezonor bann sef ki ti dan sanktyer. Mon'n livre Zakob pour li ganny detri konpletman e Izrael pou fini dan laont.

Ezai 61:2

pour proklanm lannen faver SENYER e zour vanzans pour nou Bondye, pour konsol tou sa bann ki dan sagren;

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Zakari 11:6

La sa ki SENYER i deklare: Mon pou nepli annan pitye pour bann zabitan later. Mon pou fer sakenn zot tonm dan lanmen son vwazen e sakenn zot dan lanmen son lerwa. Bann lerwa pou devaste later e mon pa pou delivre personn dan zot lanmen.

Zakari 13:8

La sa ki SENYER i deklare: Alor, dan pei antye, de tyer bann zabitan pou mor, e en tyer pou ganny sove.

Zakari 14:12

La maler ki SENYER pou anvoy lo tou bann pep ki'n lager kont Zerizalenm: Zot lapo pou pouri pandan ki zot ankor debout; zot lizye pou pouri dan son orbit e zot lalang pou pouri dan zot labous.

Zakari 14:2

Mon pe rasanble tou bann nasyon pour atak Zerizalenm. Lavil pou ganny kaptire, bann lakaz met anba lao, e bann fanm pou ganny vyole. Lanmwatye bann zabitan Zerizalenm pou ganny deporte; me sa lot lanmwatye ava kapab reste dan lavil.

Zakari 5:3

Alor, i ti dir mwan, “Sa i malediksyon ki pe fann partou dan pei. Lo en kote in ekri ki tou voler pour ganny sase; lo lot kote, ki tou dimoun ki fer fo serman pou ganny eliminen.”

Matye 22:7

Alor, lerwa ti ankoler. I ti anvoy son larme touy sa bann kriminel e met dife dan zot lavil.

Mark 11:21

Pyer ti rapel sa ki ti'n pase. I ti dir avek Zezi, “Met, gete! Sa pye fig ki ou ti modi in sek.”

Levanzil dapre Lik 1:76

Kanta ou, mon zanfan, ou pou ganny apele profet Bondye Treo. Annefe, ou pou mars devan Senyer pour prepar son semen,

Ebre 6:8

Me si i prodwi zis zarbis pikan ek move zerb, sa later pa vo nanryen. I pou ganny modi par Bondye a ganny detri par dife.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

Revelasyon 22:3

Pou nepli annan malediksyon, akoz tronn Bondye ek tronn Zenn Mouton pou dan lavil, e zot bann serviter pou ador zot.