Malasi 4:2 - Labib An Kreol Seselwa

² Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Malasi 4:2 ပူးပေါင်းရင်းမြစ်များ

2 Samyel 23:4

i parey bomaten ler soley pe leve dan en lesyel kler san nyaz; lasaler son reyon ek lapli verdir i sorti dan later.

Psonm 103:3

I pardonn tou ou bann fot e i geri tou ou bann maladi.

Psonm 147:3

I geri bann ki leker in perdi lespwar. I pans zot bann blesir.

Psonm 61:5

Mon Bondye! Ou'n egzos mon bann swe e donn bann ki ador ou, zot leritaz.

Psonm 67:1

Bondye! Akord nou ou lagras e beni nou. Fer ou vizaz briy lo nou!

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Psonm 85:9

SENYER i pare pour sov sa enn ki obei li, pour ki son laglwar i reste dan pei.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Ezai 30:26

Sa zour SENYER pou met pansman lo blesir son pep, e geri son boubou. Lalin pou briye parey soley e lalimyer soley pou set fwa pli for, konmsi lalimyer pour set zour.

Ezai 35:6

Bann ki bwete pou sote parey en serf e lalang bann kozpa pou sant dan lazwa. Delo pou sourse annabondans dan dezer e bann larivyer pou koule dan bann landrwa sek.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Ezai 53:5

Me i ti'n ganny blese, akoz nou bann transgresyon, kraze, akoz nou bann pese. Pinisyon ki donn nou lape in tonm lo li. Par son bann blesir, nou ganny geri.

Ezai 9:2

Lepep ki ti pe marse dan fernwanr in war en gran lalimyer. Bann ki ti pe viv dan en pei fernwanr, en lalimyer ti briye lo zot.

Zeremi 17:14

SENYER! Zis ou ki kapab geri mwan. Zis ou ki kapab sov mwan. Ou menm ki fer mwan sant ou laglwar.

Zeremi 30:17

Me mon pou swanny ou bann blesir, ou pou geri, SENYER ki deklare.

Zeremi 33:6

Malgre sa, mon pou swanny sa lavil e mon pou geri son bann zabitan e fer zot viv dan lape e an sekirite.

Ezekyel 47:12

Me lo de bor larivyer, tou kalite pye fri pou pouse. Son bann fey pa pou zanmen fletri e i pou touzour donn fri. Zot pou raport fri sak mwan, akoz i pou ganny aroze avek delo ki sorti dan tanp. Son fri pou ganny servi pour nouritir e son feyaz pour remed.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Malasi 3:16

Alor, bann ki ti annan respe anver SENYER ti koz ant zot. SENYER ti ekout zot e antann zot. I ti fer ekri dan en liv souvenir devan li, konsernan tou sa bann ki ti annan respe anver SENYER e onor li.

Matye 11:5

Bann aveg i war kler; bann paralize i marse; bann ki annan maladi parey lalep i geri; bann sourd i tande; bann mor i reganny lavi; bann pov i antann Bonn Nouvel.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

Levanzil dapre Lik 1:50

I annan konpasyon pour tou dimoun ki obei li, atraver tou bann zenerasyon.

Levanzil dapre Lik 1:78

Gras a labonte nou Bondye, son lalimyer pou ekler nou depi lao dan lesyel.

Levanzil dapre Lik 2:32

en lalimyer pour ekler bann nasyon e laglwar ou pep, Izrael.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Levanzil dapre Zan 1:4

Laparol ti sours lavi; lavi ti lalimyer pour tou zabitan lemonn.

Levanzil dapre Zan 1:8

Zan pa ti lalimyer, me i ti vin koman temwen lalimyer.

Levanzil dapre Zan 12:40

Bondye in rann zot lizye aveg. I'n ferm zot leker, pour ki zot pa war avek zot lizye, e zot pa konpran avek zot leker, pour ki zot pa retourn kot mwan, pour mwan geri zot.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Levanzil dapre Zan 9:4

Pandan ki i ankor lizour, nou devre akonpli travay sa enn ki'n anvoy mwan. Aswar pou byento fer, kan personn pa pou kapab travay.

Akt de Zapot 13:26

Mon bann frer! Zot ki desandan Abrahanm, e zot ki annan respe pour Bondye: Pour nou ki sa mesaz delivrans in ganny anvoye.

Akt de Zapot 13:47

Annefe, sanmenm sa ki Senyer in ordonn nou: Mon'n etabli ou koman lalimyer pour bann nasyon, pour ki ou anmenn delivrans ziska landrwa pli lwen lo later.”

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

1 Zan 2:8

Pourtan, i en nouvo komannman ki mon pe ekri pour zot, ki vre dan Kris e dan zot osi, akoz fernwanr pe disparet e vre lalimyer i deza pe briye.

Revelasyon 11:18

Bann nasyon ti met zot ankoler. Me aprezan, ou lakoler ki'n monte. Letan pour ziz bann mor in arive. Letan pour rekonpans ou bann serviter bann profet, tou bann ki pour ou, e ki annan respe pour ou non, gran koman pti, in arive. Letan pour detri bann ki detri later, in arive!

Revelasyon 2:28

Parey mwan osi mon'n resevwar pouvwar avek mon Papa, mon pou donn li zetwal granmaten.

Revelasyon 22:16

Mwan Zezi, mon'n anvoy mon lanz avek sa temwannyaz konsernan bann Legliz. Mwan menm desandan David; mwan menm sa zetwal ki briye granmaten.

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”