Malasi 4:1 - Labib An Kreol Seselwa

¹ SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Malasi 4:1 ပူးပေါင်းရင်းမြစ်များ

Liv Zob 18:16

Anba, son rasin pe sek anler, son bann brans pe fletri.

Psonm 119:119

Ou fer tou bann move dimoun dan pei disparet parey salte. Alor, mon kontan ou bann lord.

Psonm 37:9

Annefe, bann malfeter pou ganny eliminen; me bann ki met zot konfyans dan SENYER, pou posed pei.

Egzod 15:7

Dan grander ou mazeste, ou detri ou lennmi. Ou anvoy ou lakoler e zot ganny brile parey lapay.

Ezai 40:24

Zot parey bann zenn plant: Apenn ki zot in ganny plante, apenn senmen, zot tron pa'n ni ganny letan pour pran rasin, deza SENYER in soufle lo zot, e fer zot fletri e zot anvole dan tourbiyon parey lapay.

Ezai 41:2

Lekel ki'n fer vini en konkeran sorti dan Les e donn li laviktwar partou kot i ale? Lekel ki'n donn li laviktwar lo bann nasyon e met bann lerwa anba son dominasyon? Son lepe, i fer zot vin lapousyer. Son fles i fer zot fannen parey lapay dan divan.

Ezai 47:14

Zot parey lapay; en dife pou bril zot; zot pa pou kapab sape dan pouvwar son laflanm. Sa, pa labrez kot ou kwi dipen, ni dife kot ou asiz devan.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 9:18

Mesanste i alimen parey en dife ki bril bann zarbis pikan. I ravaz bann brousay dan lafore e fer en gro lafimen monte.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Ezekyel 20:38

Mon pou tir parmi zot, bann ki rebel e ki dezobei mwan; mon pou tir zot dan pei kot zot reste, me zot pa pou antre dan pei Izrael. Konmsa, zot ava konnen ki mwan menm SENYER.

Ezekyel 21:32

Ou pou ganny devore par dife, ou disan pou koule dan milye pei. Personn pa pou rapel ou. Mwan SENYER mon'n koze.

Ezekyel 24:11

Apre, met sa marmit vid lo labrez. Sof li ziska son metal i vin rouz, fer fonn tou salte ladan e fer brile son larouy.

Ezekyel 34:17

La sa ki Senyer BONDYE i deklare: Kanta zot mon troupo, mon pou ziz sakenn zot; mon pou separ bann mouton mal ek bann bouk.

Ezekyel 7:10

Sa zour zizman i la! La i vini! Ou tour in arive! Baton in pet an fler! Larogans in fleri!

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Amos 2:9

Pourtan, mon ti detri bann Amorit devan zot. Sa bann zabitan ti osi gran ki bann pye sed e osi solid ki bann pye senn. Mon ti detri tou zot fri ek zot bann rasin.

Abdyas 1:18

Zakob pou parey en dife e desandan Zozef pou en laflanm. Ezai pou parey lapay ki pou ganny brile dan dife, san les okenn sirvivan. SENYER ki'n deklare.

Nahoum 1:10

Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

Sofoni 1:14

Sa gran zour SENYER i pros; i tre pros, i pe arive byen vit. Menm bann gerye i kriy osekour.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Zakari 14:1

Sa zour ki pour SENYER pe vini, kan bann depouy lager pou ganny partaze parmi zot.

Malasi 3:15

Nou war bann arogan byennere, bann malfeter i prospere. Zot menm teste Bondye e zot pa ganny pini.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Malasi 3:2

Me lekel ki pou kapab reziste sa zour kan i vini? Lekel ki pou reste debout kan i pou aparet? Annefe, i pou parey dife ki fonder i servi pour netway metal, parey savon ki blansisez i servi.

Malasi 3:3

Parey kan en fonder metal i asiz pour li fonn e pirifye lor ek larzan, SENYER pou pirifye bann desandans Levi. Alor, zot ava kapab ofer lofrann dapre lareg ki'n ganny etabli.

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Matye 3:12

Son fours i dan son lanmen, pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”

Levanzil dapre Lik 19:43

Annefe, bann zour pou arive pour ou, kan ou bann lennmi pou barikad ou e anserkle ou lo tou kote.

Levanzil dapre Lik 21:20

“Me kan zot ava war Zerizalenm anserkle par bann larme, zot ava konnen ki destriksyon i pros.

Levanzil dapre Lik 6:23

Rezoui sa zour, sote avek kontantman, akoz zot rekonpans pou gran dan lesyel. Annefe, konmsa ki zot bann zanset ti tret bann profet.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.