Malasi 3:5 - Labib An Kreol Seselwa

⁵ Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Malasi 3:5 ပူးပေါင်းရင်းမြစ်များ

Zenez 20:11

Abrahanm ti dir, “Mon ti krwar ki ti napa personn ki annan respe pour Bondye isi e ki zot ti pou touy mwan akoz mon fanm.

Zenez 42:18

Trwazyenm zour, Zozef ti dir zot, “La sa ki fodre zot fer pour zot reste vivan. Mon annan respe pour Bondye:

Nehemi 5:15

Bann gouverner avan mwan, ti enpoz gro fardo lo lepep. Zot ti reklanm manze, diven, avek anplis, 40 pyes larzan. Menm zot bann serviter ti domin lepep. Me mwan, mon pa ti fer sa, par respe pour Bondye.

Liv Zob 31:12

Sa fot ti ava parey en dife ki detri tou, e bril tou mon bann rekolt.

Liv Zob 7:2

Parey en lesklav ki rod lonbraz; parey en labourer ki pe esper son lapey.

Psonm 36:1

Dan fon mon leker, mon mazin mesanste zonm: Dan fon son leker, i napa respe pour Bondye.

Psonm 81:8

Mon pep! Ekout mon lavertisman. Si selman Izrael ti oule ekout mwan!

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Egzod 1:17

Me bann sazfanm ti annan respe pour Bondye e zot pa ti fer sa ki lerwa Lezip ti'n dir zot; zot ti les bann garson viv.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 20:7

Ou pa pou pronons non SENYER ou Bondye an bonnavini. Annefe SENYER pa pou pardonn sa enn ki pronons son non an bonnavini.

Egzod 22:20

Sa enn ki ofer sakrifis en lot bondye apard mwan, SENYER, ava ganny detri konpletman.

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Ezai 57:3

Me zot, bann zanfan en fanm sorsye, piti en fanm adilter, en prostitye! Vin isi.

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 27:10

Annefe, tou sa ki zot anons ou koman profesi, i en bann mansonz. Si ou ekout zot, mon pou fer ou ganny deporte, mon pou anvoy ou lwen ek ou pei e ou pou disparet konpletman.

Zeremi 27:9

Zot pa bezwen ekout zot bann profet ni sa bann ki predir lavenir, ni zot prop rev, oubyen envok lespri dimoun mor, ni fer mazi. Zot tou, zot pe dir ou: Ou pa pou tonm anba pouvwar lerwa Babilonn.

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Zeremi 42:5

Zot ti dir Zeremi, “Nou promet pour fer egzakteman tou sa ki SENYER ou Bondye i ava anvoy ou dir nou. Nou pran li koman temwen sir lo sa promes ki SENYER in anvoy avek ou pour nou.

Zeremi 5:2

Kan zot deklare: Mon fer serman, lo non SENYER ki vivan, zot pe fer en fo serman.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Levitik 19:13

Ou pa pou eksplwat ou prosen; ou pa devre vol li. Pa gard ziska lannmen bomaten lapey en zournalye.

Levitik 20:10

Si en zonm i komet adilter avek fanm son prosen, tou le de, sa zonm adilter ek sa fanm adilter, ava ganny touye.

Levitik 20:27

En zonm oubyen en fanm ki envok en medyonm oubyen lespri dimoun mor ava ganny touye; i ava ganny saboule avek ros. I ava responsab son prop lanmor.

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Mise 1:2

Ekoute! Zot tou bann nasyon! Later ek tou son zabitan! Ekoute. Senyer BONDYE pou akiz zot depi son tanp sen.

Habakouk 1:12

SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Zakari 11:12

Alor, mon ti dir zot: Si i fer zot plezir, donn mwan mon lapey; si zot pa oule, garde. Alor, zot ti donn mwan 30 pyes larzan pour mon lapey.

Malasi 1:6

SENYER liniver i dir avek bann pret: En zanfan, i obei son papa; en serviter, i respekte son met. Si mon en papa pour zot, oli loner ki mon merite? Si mon zot sef, akoz zot napa respe anver mwan, SENYER liniver i demann avek bann pret ki mepriz li. Me zot demande: Ki mannyer nou'n mepriz ou?

Malasi 2:14

Zot demande: Akoz ki i nepli aksepte zot lofrann? SENYER i pa aksepte ou lofrann akoz i ti temwen promes fidelite ki ou ti fer avek ou premye fanm, dan ou zenes. Sa fanm ti ou konpanny ki osi ou fanm dapre sa ki ou'n promet.

Malasi 2:17

Zot in fatig SENYER avek zot bann koze. Pourtan, zot demande: Ki mannyer nou'n fatig li? Zot fatig li kan zot dir: SENYER i aksepte tou bann malfeter e i kontan zot. Oubyen kan zot demande: Oli sa Bondye ki fer lazistis?

Levanzil dapre Lik 23:40

Me sa lot kriminel ti reprimann li, “Ou napa respe pour Bondye, alor ki ou'n ganny menm kondannasyon ki li.

Romen 3:8

Alor, akoz nou pa dir parey serten i akiz nou: Annou fer sa ki mal pour fer sorti dibyen! Sa bann dimoun, zot merit ganny kondannen.

Deterononm 15:13

Kan ou rann en lesklav son laliberte, ou pa pou fer li ale lanmen vid.

Deterononm 18:10

Personn parmi zot pa devre ofer son garson, oubyen son fiy an sakrifis, ni fer divinasyon, ni predir lavenir, ni pratik mazik, ni fer sorsye,

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!

Deterononm 5:11

Ou pa pou pronons non SENYER, ou Bondye anven, akoz SENYER pa pou pardonn personn ki servi son non anven.

1 Tesalonisyen 4:6

Personn pa devre fer ditor son prosen, ni tronp son frer dan sa zafer, akoz Senyer i pini bann aksyon parey. Nou'n deza averti zot lo sa size.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

Let Zak 5:12

Me avan tou, mon bann frer! Pa bezwen fer serman ni par lesyel, ni par later, ni par okenn fason. Zot wi, i devre wi, e zot non, i devre non, pour ki zot pa tonm anba zizman Bondye.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!