Malasi 3:16 - Labib An Kreol Seselwa

¹⁶ Alor, bann ki ti annan respe anver SENYER ti koz ant zot. SENYER ti ekout zot e antann zot. I ti fer ekri dan en liv souvenir devan li, konsernan tou sa bann ki ti annan respe anver SENYER e onor li.

Malasi 3:16 ပူးပေါင်းရင်းမြစ်များ

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

2 Samyel 7:1

Lerwa David ti'n enstal li dan son pale. SENYER ti'n met li an sekirite kont son bann lennmi otour li.

1 Rwa 18:12

Kan ki mon pou kit ou, lespri SENYER pou pran ou e anmenn ou, mon pa konnen kote; ler mon ava al fer mon rapor avek Akab, i pou touy mwan akoz i pa'n war ou, menm si mon annan gran respe pour SENYER depi mon lanfans.

1 Rwa 18:3

Akab ti apel Abdyas, sef dan pale. Abdyas ti en zonm ki ti annan gran respe pour SENYER.

2 Kronik 6:7

Salomon ti kontinyen: Mon papa ti annan lentansyon konstri en tanp pour SENYER, Bondye Izrael.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Ester 2:23

En lanket ti prouve ki sa ti vre; sa de zonm ti ganny pann. Sa ti ganny ekri dan Liv Listwar, dan prezans lerwa.

Ester 6:1

Sa swar, lerwa pa ti ganny sonmey. I ti donn lord pou anmenn Liv Listwar rwayonm ki ti ganny lir devan li.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 10:4

Dan son larogans, i dir: Bondye pa pini. Dan son lespri i mazinen: Bondye pa pou fer nanryen.

Psonm 104:33

Mon pou sant pour SENYER tou mon lavi. Mon pou loue li toultan ki mon vivan.

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Psonm 115:13

I pou beni bann ki obei SENYER, gran koman pti.

Psonm 119:63

Mon frekant tou dimoun ki respekte ou, ki obei ou bann direktiv.

Psonm 139:4

SENYER! Avan menm ki mon ouver labous, ou konnen deza ki mon pou dir.

Psonm 147:11

Me SENYER i pran plezir dan dimoun ki annan respe pour li, dan sa bann ki'n met zot lespwar dan son fidelite.

Psonm 16:3

Bann ki fidel dan sa pei, i donn mwan bokou plezir Zot sen e nob.

Psonm 20:7

Serten i kont lo zot kales lager; lezot lo zot seval. Me nou, nou met nou konfyans dan SENYER nou Bondye.

Psonm 33:18

Me SENYER i vey lo sa enn ki annan respe pour li; lo sa enn ki'n met son konfyans dan li,

Psonm 34:15

Lizye SENYER i fikse lo bann zis. Son zorey i ouver pour ekout zot ler zot kriye.

Psonm 56:8

Ou konnen kantite fwa ki mon ti oblize sove. Ou konnen ki kantite larm mon'n verse. Tousala in ekri dan ou gran liv.

Psonm 56:9

Alor, zour mon pou apel ou, mon bann lennmi pou rekile. Mon konnen ki Bondye i lo mon kote.

Psonm 66:16

Zot tou ki ador Bondye! Vini. Vin ekoute. Mon ava rakont zot sa ki i'n fer pour mwan.

Psonm 94:19

Ler mon leker i ranpli avek traka, ou vin rekonfort mwan.

Egzod 32:32

Mon sipliy ou, oubliy zot pese. Sinon efas mon non lo ou Liv; sa enn ki ou'n ekri.”

Proverb 13:20

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

Ezai 26:8

SENYER! Lo sa semen ki ou'n endike, nou met nou lespwar dan ou. Nou sel dezir, se loue ou non.

Ezai 4:3

Alor, sa ki'n reste Siyon, bann sirvivan dan Zerizalenm pou ganny apele sen. Tou sa bann ki zot non i'n ganny anrezistre pou kapab viv dan Zerizalenm.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Ezai 65:6

Me SENYER i deklare: Gete! In ekri devan mwan e mon pa pou reste trankil; mon pou regle zot kont. Zot ava byen rann kont avek en leker kler.

Zeremi 31:18

Mon'n antann konplent pep Efraim: Ou'n koriz nou severman parey en zenn toro sovaz i ganny drese. Fer nou retourn ver ou, akoz nou'n pare pour retourn kot ou, akoz zis ou SENYER, ki nou Bondye.

Zeremi 8:6

Mon'n byen ekout zot: Zot pa'n dir laverite. Personn pa'n regret son bann move aksyon. Personn pa'n demande: Ki mal mon'n fer. Sakenn i kontiny son prop semen, parey en seval fou dan konba.

Ezekyel 9:4

SENYER ti dir li, “Al partou atraver lavil, atraver Zerizalenm; met en mark lo fron bann ki plennyen e plere akoz bann aksyon degoutan ki ganny komet dan sa lavil.”

Danyel 12:1

Dan sa letan, sa gran sef, Mikael, sa enn ki defann ou pep, pou leve. Sa letan pou en letan langwas, ki pa'n zanmen arive depi ki bann nasyon i egziste. Dan sa letan, ou pep pou ganny eparnyen; sa enn ki son non in ganny ekri dan liv, pou ganny eparnyen.

Danyel 7:10

En larivyer dife ti sorti e koule devan li. Plizyer milyon dimoun ti servi li, e plizyer milyar ti debout devan li. Bann ziz ti pran zot plas, e bann liv ti ganny ouver.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Levanzil dapre Lik 2:38

Dan sa menm moman, Ann ti arive. I ti konmans loue Bondye, e koz lo sa zanfan avek tou bann ki ti pe esper delivrans Zerizalenm.

Akt de Zapot 1:13

Kan zot ti ariv Zerizalenm, zot ti mont dan en lasanm dan letaz, kot zot ti abitye reini. Ti annan Pyer, Zan, Zak, Andre, Filip ek Toma, Bartelemi ek Matye, Zak garson Alfe, Simon, en nasyonalis, ek Zid, garson Zak.

Akt de Zapot 10:2

Sa zonm ki ti annan respe pour Bondye, ti byen relizye. Avek son fanmir, i ti touzour priy Bondye. I ti fer bokou lomonn bann pov parmi pep Zwif e priye regilyerman.

Akt de Zapot 2:1

Zour Lapannkot, tou bann disip ti'n rasanble ansanm dan en menm landrwa.

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.

Efezyen 5:19

Ankouraz kanmarad par bann psonm, par bann kantik enspire. Sante e remersye Senyer avek tou zot leker.

1 Tesalonisyen 5:11

Alor, ankouraz e fortifye kanmarad, parey zot pe fer.

1 Tesalonisyen 5:14

Nou ankouraz zot, frer ek ser! Averti bann ki pares, ankouraz bann ki timid, ed bann ki feb; pran pasyans avek zot tou.

Ebre 10:24

Annou rode koman nou pou kapab ankouraz kanmarad pour annan lanmour e fer sa ki byen.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Ebre 3:13

Okontrer, ankouraz kanmarad tou le zour, osi lontan ki i apel “ozordi” pour ki personn parmi zot, pa les li ganny tronpe par pese e andirsi son leker.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.