Malasi 3:12 - Labib An Kreol Seselwa

¹² Alor, tou bann nasyon ava dir ki zot en pep ere, akoz zot ava pe viv dan en pei agreab, SENYER liniver ki deklare.

Malasi 3:12 ပူးပေါင်းရင်းမြစ်များ

2 Kronik 32:23

Bokou dimoun ti anmenn bann lofrann pour SENYER dan Zerizalenm, avek kado presye pour Ezekyas, lerwa Zida. Depi sa, bann nasyon ti annan gran respe pour li.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Ezai 61:9

Zot desandans pou renonmen parmi bann nasyon, zot zanfan parmi bann pep. Tou dimoun ki pou war zot, pou rekonnet ki zot en pep ki SENYER in beni.

Ezai 62:4

Ou pou nepli ganny apele Abandonnen; ou later pou nepli ganny apele Dezolasyon. Me ou pou ganny apele Mon Plezir; ou later pou apel Madanm Marye, akoz ou fer plezir SENYER e later ava vin en mari pour li.

Ezai 62:5

Parey en zennonm i marye avek en zenn fiy, sa enn ki'n kree ou pou marye avek ou. Parey en nouvel marye i fer lazwa son mari, ou pou fer lazwa ou Bondye.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Danyel 11:41

I pou antre dan sa pli zoli pei; i pou fer bokou viktim. Me Edonm, Moab ek bann sef Amonit pou reisi sape.

Danyel 8:9

Dan enn son korn, en lot pti korn ti pouse. I ti grandi ver Sid, ver Les e ver sa pli zoli pei.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Malasi 3:13

SENYER i deklare: Zot in dir bann parol ensolan kont mwan. Pourtan zot demande: Ki nou'n dir kont ou?

Levanzil dapre Lik 1:48

Akoz i'n zet son regar lo mwan, son senp servant. Apartir ozordi, dimoun pou apel mwan byennerez.

Deterononm 11:12

en pei ki SENYER, ou Bondye i pran swen avek. Lizye SENYER, ou Bondye i touzour lo li, depi konmansman lannen ziska lafen lannen.