Malasi 3:11 - Labib An Kreol Seselwa

¹¹ Mon pou sas bann sotrel pour zot, pour ki zot rekolt pa ganny detri. Zot plantasyon rezen ava donn en bon rekolt, SENYER liniver ki deklare.

Malasi 3:11 ပူးပေါင်းရင်းမြစ်များ

Zeremi 8:13

Mon'n deside fini avek zot tou: Nepli annan rezen dan plantasyon; lo pye fig napa okenn fri; son bann fey in fletri. Alor, mon pou les bann etranze pran sa ki mon'n donn zot. SENYER ki deklare.

Oze 2:21

La sa ki SENYER i deklare: Sa zour mon pou reponn. Lesyel pou reponn sa ki later pe espere.

Zoel 1:12

Brans rezen pe sek; pye fig pe fletri; pye grenad, pye dat, pye ponm ek tou lezot pye fri, tousala pe sek debout. Tou lazwa in ale parmi bann imen.

Zoel 1:4

Lesen sotrel, enn apre lot, in apoz lo zot plantasyon. Tou sa ki en lesen pa'n fini manze, en lot in devore. Tou sa ki en lesen in kit deryer, en lot lesen in detri.

Zoel 1:7

Zot in devaste mon plantasyon rezen; mon pye fig in ganny manze. Zot in ronz son lekors, son bann brans in vin blan.

Zoel 2:20

Mon pou sas bann sotrel ki sorti dan Nor; mon pou sas zot lwen dan en later sek e devaste. Mon pou anvoy son avangard, dan lanmer Mor, e sa ki deryer zot, dan lanmer Mediterane. Piyanter kadav bann gerye pou monte. SENYER in akonpli bann gran mervey.

Zoel 2:22

Zannimo sovaz dan lakanpanny! Pa bezwen per, zerb pe repouse lo montanny! Pye dibwa pe raport zot fri; pye fig ek pye rezen pe donn zot fri annabondans.

Zoel 2:25

Mon pou ranplas tou sa ki zot in perdi, devore par sotrel, senir, kasbol, mon gran larme, ki mon'n anvoy lo zot.

Amos 4:9

Mon'n anvoy maladi lo zot bann plantasyon. Zot bann zarden, bann plantasyon rezen, ek zot plantasyon zoliv, in ganny devore par senir. Malgre sa, zot pa'n retourn ver mwan. SENYER ki'n deklare.

Habakouk 3:17

Pye fig nepli fleri; plantasyon rezen nepli donn rezen; pye zoliv nepli donn zoliv; bann plantasyon dible nepli donn dekwa manze.

Agze 1:11

Mon'n fer vin lasesres dan pei: Lo bann kolin, dan bann plantasyon dible ek plantasyon rezen, dan plantasyon zoliv. Nanryen pa pou ganny prodwir, ni dimoun, ni zannimo, ni later.

Agze 2:17

La sa ki SENYER i deklare: Mon ti pini zot e detri tou sa ki zot ti'n prodwi; tou in fletri e pouri e ganny detri par lipou ek lagrel. Me zot pa'n retourn kot mwan, SENYER ki deklare.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Deterononm 11:14

Alor, mon pou fer lapli tonbe lo zot pei dan sak sezon, lapli lotonn ek lapli prentan, e zot ava rekolte zot dible, zot diven nouvo ek zot delwil.