Malasi 2:9 - Labib An Kreol Seselwa

⁹ Alor, mon pou imilye zot e fer lepep mepriz zot, akoz mon volonte pa'n ganny swiv e zot bann desizyon pa ti touzour zis.

Malasi 2:9 ပူးပေါင်းရင်းမြစ်များ

1 Rwa 22:28

Mise ti dir, “Si vreman ou retourn sen e sof, alor, SENYER pa'n zanmen koz par mwan.” I ti osi dir, “Tou bann pep! Ekoute.”

Liv Zob 32:21

Mon pa pou montre preferans pour personn, e mon pa pou flat personn.

Proverb 10:7

Souvenir sa enn ki zis i anmenn benediksyon. Me non en malfeter pou tonm an pouritir.

Proverb 12:8

En zonm ki annan bon sans i ganny felisite; me en zonm avek en move leker i ganny meprize.

Ezekyel 13:21

Mon pou desir sa bann foular mazik e liber mon pep anba zot pouvwar e zot ava arete servi li koman en latrap. Alor, zot ava konnen ki mwan menm SENYER.

Ezekyel 7:26

Maler apre maler, move nouvel pou vin enn apre lot. Zot pou sipliy profet pour revel en vizyon, me pret pou nepli annan lalwa pour ansennyen. Bann ansyen pou nepli annan konsey pour donnen.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Nahoum 3:6

Mon pou kouver ou avek salte; mon pou mepriz ou e fer ou en spektak.

Malasi 2:3

Mon pou pini zot desandans. Mon pou zet fimyen dan zot figir, fimyen ki zot anmennen pour sakrifis, e zot ava ganny anmase ansanm.

Malasi 2:8

Me zot bann pret, zot pa'n swiv sa semen drwat; zot in fer bokou dimoun tonbe par zot lansennyman. Zot in detri lalyans avek Levi, SENYER liniver ki deklare.

Levanzil dapre Lik 10:29

Me pour zistifye son lekor, sa profeser Lalwa ti demann Zezi, “Lekel ki mon prosen?”

Levanzil dapre Lik 11:42

Me maler lo zot, bann Farizyen! Zot ki donn en dizyenm parti lo lanmant, lo tou zepis ek legim, me zot negliz lazistis ek lanmour Bondye. I neseser ki zot fer tousala, me san negliz lezot.

Galat 2:6

Me bann ki ti ganny konsidere koman dirizan parmi zot, pa fer mwan nanryen pour konnen ki zot ti ete, akoz Bondye pa ziz dapre laparans; sa bann dirizan pa ti enpoz okenn nouvo lord lo mwan.

Deterononm 1:17

Zot pa devre fer preferans dan zot desizyon; ekout sa enn ki pti koman sa enn ki gran; pa per personn, akoz zizman i sorti kot Bondye. Bann ka ki tro difisil pour zot, anmenn kot mwan e mon ava ekoute.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.