Malasi 2:8 - Labib An Kreol Seselwa

⁸ Me zot bann pret, zot pa'n swiv sa semen drwat; zot in fer bokou dimoun tonbe par zot lansennyman. Zot in detri lalyans avek Levi, SENYER liniver ki deklare.

Malasi 2:8 ပူးပေါင်းရင်းမြစ်များ

2 Rwa 16:11

Pret Ouri ti konstri en lotel parey sa model ki lerwa Akaz ti'n anvoy li depi Damas. Pret Ouri ti fini sa lotel avan ki lerwa Akaz ti retournen sorti Damas.

Nehemi 13:29

Mazin zot, mon Bondye, akoz zot in sali saserdos ek lalyans bann pret ek bann levit.

Psonm 119:102

Mon respekte ou bann desizyon akoz ou ki'n enstri mwan.

Psonm 18:21

Mon'n met an pratik komannman SENYER. Mon'n reste fidel anver mon Bondye.

Proverb 12:8

En zonm ki annan bon sans i ganny felisite; me en zonm avek en move leker i ganny meprize.

Ezai 30:11

Aret swiv sa semen; sorti lo sa larout. Aret koz lo Bondye Sen dan Izrael avek nou.

Ezai 59:13

Nou'n revolte e nou'n dezobei SENYER; nou'n trai li e nou pa'n swiv nou Bondye. Nou'n koz lopresyon ek revolt; nou'n konsevwar bann mansonz ki nou'n medite dan fon nou leker.

Ezai 9:16

Bann dirizan sa pep in anmenn zot lo move semen; dimoun in ekout zot in tonm dan konfizyon.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 17:5

La sa ki SENYER i deklare: Mon modi sa zonm ki met son konfyans dan zonm, ki met son konfyans zis dan zonm, ki rod son lafors dan bann mwayen imen. Son leker i lwen avek SENYER.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Ezekyel 22:26

Zot bann pret in kas mon lalwa e zot in profann bann landrwa konsakre pour mwan. Zot pa'n fer diferans ant sa ki sen ek sa ki profann, ni ansenny dimoun diferans ant sa ki pir ek sa ki enpir. Zot pa'n pran ka mon bann saba, e zot in dezonor mwan parmi zot.

Ezekyel 44:10

Bann levit ki'n abandonn mwan anmenmtan ki Izrael ti detournen avek mwan pour al ver bann zidol, zot pou sibir konsekans zot pese.

Ezekyel 44:12

Me akoz zot ti servi devan bann zidol e zot in fer pep Izrael tonm dan pese, mon ti fer en serman kont zot, ki zot ava port konsekans zot pese. Senyer BONDYE ki'n deklare.

Ezekyel 44:7

Ou anmenn bann etranze, bann ki pa sirkonsi, ni dan zot leker, ni dan zot lekor, dan mon sanktyer e profann mon tanp. Anmenmtan ki ou ofer mwan manze lagres ek disan, ou pe kas mon lalyans par tou ou bann pratik degoutan.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Levitik 21:15

I pa pou dezonor son desandans dan son fanmir, akoz mwan SENYER ki konsakre li.

Sofoni 3:4

Son bann profet i en bann bandi ki pe tronp dimoun. Son bann pret in mank respe pour sa ki sakre; zot in vyol lalwa.

Malasi 1:6

SENYER liniver i dir avek bann pret: En zanfan, i obei son papa; en serviter, i respekte son met. Si mon en papa pour zot, oli loner ki mon merite? Si mon zot sef, akoz zot napa respe anver mwan, SENYER liniver i demann avek bann pret ki mepriz li. Me zot demande: Ki mannyer nou'n mepriz ou?

Malasi 2:5

Mon lalyans avek li, ti en lalyans lavi ek lape. Mon ti donn li pour zot ganny respe pour mwan e vreman onor mon non.

Nonm 25:12

Dir li alor, ki mon fer en lalyans lape avek li.

Nonm 25:13

Sa lalyans ava pour li ek son desandans. Sa lalyans pou etabli zot pret pour touzour, akoz i'n montre en pasyon zalou pour son Bondye e i'n fer rekonsilyasyon pour Izrael ganny pardonnen.”

Romen 14:21

I byen si ou pa manz lavyann, si ou pa bwar diven, oubyen abstenir okenn keksoz ki kapab fer ou frer tonbe.

Ebre 3:12

Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.

1 Samyel 2:17

Pese sa bann garson Eli ti vreman grav devan SENYER, akoz zot ti napa okenn respe pour sakrifis ki dimoun ti ofer SENYER.

1 Samyel 2:24

Non, zanfan! Sa ki mon tande lo zot, pa bon. Zot pe ankouraz pep SENYER pour komet pese

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.